ब्राउन सुगर सहित दुई जना पक्राउ

बिर्तामोड १ भदौ । झापा बिर्तामोड नगरपालिका –५ नयाँ बसपार्कस्थित मिलन चौकबाट लागूऔषध ब्राउनसुगर सहित प्रहरीले २ जनालाई पक्राउ गरेको छ । पक्राउ पर्नेमा अर्जुनधारा नगरपालिका–५ का २७ बर्षीय मनोज चौधरी र बिर्तामोड–५ का २३ को सुमन तामाङ रहेका छन् ।
लागूऔषध नियन्त्रण ब्युरो काँकडभिट्टा र अस्थायी प्रहरी पोष्ट नयाँ बसपार्कबाट खटिएको प्रहरी टोलीले आज (मंगलबार) २० ग्राम लागूऔषध ब्राउन सुगर र उनीहरुले प्रयोग गरेको मे २ प ८६८६ नम्बरको मोटरसाईकलसहित पक्राउ गरेको हो । पक्राउ परेका दुवै जनालाई ईलाका प्रहरी कार्यालय अनारमनीबाट थप अनुसन्धान भइरहेको बताइएको छ ।