पूर्व प्रहरी संगठन झापाको अध्यक्षमा अभिचन्द्र रिजाल

भद्पुर २६ वैशाख। झापाका प्रहरी प्रमुख बसुन्धरा खड्काले समाज रुपान्तरणमा पूर्व प्रहरी संगठनको भुमिका अतुलनीय रहेको बताउनुभएको छ । पूर्व प्रहरी संगठन झापाको २५ औं वार्षिक साधारणसभा तथा १० औं जिल्ला अधिवेशनको चन्द्रगढीमा शनिबार उद्घाटन गर्दै प्रहरी प्रमुख खड्काले यस्तो बताउनु भएको हो ।
उहाँले जिल्लाको शान्ति सुव्यवस्था कायम राख्नमा बहालवाला र पूर्व प्रहरी संगठनको भुमिका उतिकै रहेक‍ो उल्लेख गर्दै गत फागुनमा निर्वाचन सम्पन्न गराउन पनि पुर्व प्रहरीले सहयोग पुर्याएको भन्दै खुलेर प्रशंसा गर्नु भयो । कुनै पनि प्रहरीले देशको संस्कार र परम्परालाई बिर्सन नहुनेमा उहाँको जोड थियो ।
कार्यक्रममा जिल्लामा गत फागुनको निर्वाचनलाई शान्तिपूर्ण तवरले निर्वाचन सम्पन्न गराउन सफल भएको भन्दै प्रशंसा पत्रसहित दोसल्ला ओढाएर प्रहरी प्रमुख खड्कालाई सम्मान समेत गरिएको थियो । अभिचन्द्र रिजालको अध्यक्षता तथा सचिव कृष्ण सापकोटाको संचालनमा सम्पन्न उद्घाटन सत्रमा जेष्ठ सदस्य शेर बहादुर चौहान र तिलकबहादुर अधिकारी तथा संगठमा योगदान पुर्याउने अग्नि खड्का ,दिपेन्द्र घिमिरे र पर्शुराम भट्टराईलाई प्रशंसा पत्र सहित दोसल्ला ओडाएर सम्मान गरिएको थियो ।
उद्घाटन सत्रमा स्वागत मन्तव्य धनपति शिवाकोटीले गर्नु भएको थियो । सोही अधिवेशनले पुनः अभिचन्द्र रिजालको अध्यक्षतामा आगामी ४ वर्षे कार्यकालका लागि १७ सदस्यीय नयाँ कार्य समिति गठन गरिएको छ । समितिको वरिष्ठ उपाध्यक्षमा ,इन्दिवरसिंह खड्का, उपाध्यक्षद्वयमा रामकाजी कट्वाल र भुपेन्द्र गिरीलाई सर्वसम्मत चयन गरिएको छ ।
यसै गरी सचिवमा कृष्णप्रसाद सापकोटा , सहसचिवमा दिपेन्द्र घिमिरे, कोषाध्यक्षमा देविभक्त आचार्य र सह कोषाध्यक्षमा सोभा पराजुली लगायतको १७ सदस्यीय समिति चयन गरेको निर्वाचन समितिले जनाएको छ ।