स्थानीय सरकारले आफ्ना मागलाई बेवास्ता गर्योःअव्यवस्थित भूमीहिन

भद्रपुर। भूमी अधिकार मञ्च झापाका प्रतिनिधिहरुले स्थानीय सरकारले आफुहरुका मागलाई बेवास्ता गरेको भन्दै आन्दोलन गर्ने बताएका छन् ।
झापाका विभिन्न स्थानमा रहेका अव्यवस्थित भूमीहिनहरुलाई सम्बन्धित जग्गा धनीहरुले विना आधार निस्कन दवाव दिंदा पनि स्थानीय सरकार र सरकारका प्रतिनिधिहरुले नसुनेको भन्दै आन्दोलन गर्ने चेतावानी दिएका हुन । बिर्तामोड ८ स्थित देउनियामा आयोजित भूमी अधिकार मञ्च झापाको चौथो जिल्ला सम्मेलनमा सहभागिहरुले सो कुरा बताएका हुन ।
उहाँहरुले पछिल्लो समयमा आफुहरु खोला जंगलको कुना काप्चामा बस्न बाध्य भएको र उक्त स्थानबाट समेत हट्न सम्बन्धित जग्गा धनीहरुले दवाव दिएकोले तत्काल आफुहरुको बसोबासको व्यवस्थापन गरिदिन स्थानीय सरकारसंग माग गरेका हुन् ।
सम्मेलनमा बोल्दै अध्यक्ष अजुर्नकुमार लिम्बुले आफुहरुले अधिकारका लागि पटक पटक आग्रह गर्दा पनि स्थानीय निकायहरुले नसुनेकोले भूमीहिन सुकुम्बासीहरुले अधिकार प्राप्तिका लागि सम्बन्धित वडा कार्यालय र पालिकाहरु घेराउ गर्दै आन्दोलन गर्नुपर्ने बताए ।
लिम्बुले चुनावमा अधिकार प्रदान गर्ने भनेर भोट माग्ने कुनै पनि राजनीतिक दलहरुले आफूहरुको अधिकारका लागि कुनै पहल नगरेको बताए । लिम्बुको अध्यक्षतमा सम्पन्न सम्मेलनमा प्रमुख अतिथि भीमकुमारी मगर, रामकुमार खवास, प्रदेश सदस्य शिव राजबंशी, दिलकुमारी राई लगायतले मन्तव्य राखेका थिए ।
माया बागदासले संचालन गरेका कार्यक्रमको स्वागत ज्ञानबहादुर थापा मगरे गर्नु भएको थियो । सोहि सम्मेलनले आगमी ३ बर्षे कार्यकालका लागि पुनः अर्जुकुमार लिम्बुकै अध्यक्षतामा १९ सदस्यीय नयाँ कार्य समिति समेत गठन गरेको छ ।