सुरूङ्गा । ताप्लेजुङ झापा सराेकार समाजकाे शनिवार सम्पन्न भेलाले नयाँ कार्यसमिति चयन गरेकाे छ ।
धनुषकाेटी धाममा आयाेजित साधारणसभा, अधिवेशन तथा बनभाेज कार्यक्रमबाट हाेमप्रसाद काफ्लेकाे अध्यक्षतामा नयाँ कार्यसमिति गठन गरेकाे हाे । काफ्ले तेस्राे पटक अध्यक्षमा चयन भएका हुन ।
समितिकाे उपाध्यक्षत्रयमा विक्रम मादेन, शिव खरेल र राधा पाेखरेल रहेका छन् ।
समितिकाे सचिवमा उमानाथ प्याकुरेल, सहसचिवमा ढाँचाराज कडरिया र काेषाध्यक्षमा देवराज तामाङ (पदम) रहेका छन् ।
समितिकाे सदस्य पूर्णकुमार थापा, शिवराज पाैडेल, सन्ताेष बराल, लक्ष्मी अधिकारी, राकेश अग्रवाल, रमेश पुरी, इन्द्रमणी थापा, नवीन सिटौला, पूर्ण कार्की, देवी अधिकारी रहेकाे निर्वाचन समिति संयाेजक नारायण चाैलागाईले जानकारी दिए ।
यश अधि संस्थाकाे बार्षिक साधारणसभामा विर्तामोड नगरपालिकाकी प्रमुख पवित्रा महतारा प्रसाईंकाे प्रमुख आतिथ्य र संस्थाका अध्यक्ष हाेमप्रसाद काफ्लेकाे अध्यक्षतामा सम्पन्न कार्यक्रम संस्थाकाे प्रतिवेदन अध्यक्ष काफ्ले र काेषाध्यक्ष पदमबहादुर तामाङ (पदम) ले प्रस्तुत गरेकाे काेषकाे प्रतिवेदन सर्व सम्मतले पारित भएकाे थियाे ।
संस्थाका सचिव रेजिना गाैतमकाे सञ्चालन तथा उपाध्यक्ष विक्रम मादेनले स्वागत गरेकाे कार्यक्रममा प्रमुख अतिथि प्रसाईं, विशेषा अतिथिद्वय झापाका सहायक प्रमुख जिल्ला अधिकारी रूद्र न्याैपाने र पूर्व मन्त्री खगेन्द्र प्रसाईंले शुभकामना मन्तव्य राखेका थिए ।
साे अवसरमा आयाेजित नृत्य तथा गायन प्रतियाेगिता अन्तरगत नृत्यतर्फ दुर्गा पाैडेल प्रथम, राधा डाँगी दाेस्राे र हरि चुडाल तेस्राे भएका थिए ।
