Homeस्वास्थ्यलसुन एक फाइदा अनेक

लसुन एक फाइदा अनेक

लसुन एक आयुर्वेदिक औषधि हो । गाउँघरमा भन्ने गरिन्छ– १२ मसला एक लसुन । यो भनाईबाट १२ वटा मसलाको काम एउटै लसुनले गर्छ भन्ने बुझिन्छ । लसुनमा भएको औषधीय गुण अरू सागपातमा कमै पाइन्छ । आधुनिक चिकित्सा विज्ञानले पनि लसुनको गुण स्वीकार गरेको छ । लसुनका पोटीभित्र रहेका केस्राहरू केलाएर यसको उपयोग गरिन्छ ।
यसले तरकारी स्वादिलो बनाउने मात्र होइन, पेटसम्बन्धी विविध विकार र रोग पनि निको पार्दछ । लसुनको केस्रा अचारमा पनि मज्जाले प्रयोग गर्न सकिन्छ । लसुनको हरियो पात पनि त्यत्तिकै फाइदाजनक हुन्छ ।
पातको तरकारी र अचार दुवै बनाइन्छ । लसुनको स्वाद नेपालीका साथै संसार भरका अधिकतम मानिसलाई मनपर्छ । स्वाद मीठो र गन्ध राम्रो मात्र होइन, यसका निकै धेरै गुणहरू छन् ।
लसुनका पात तरकारीमा मिसाएर खानाले शरीरको रोग प्रतिरोधी क्षमता बढ्छ । यसमा एलिसिन भन्ने तत्व हुन्छ । यो तत्वले रोग प्रतिरोधी क्षमता बढाउँछ । लसुनको पातले एक प्रकारको एन्टी बायोटिकको काम गर्छ । यसमा ब्याक्टेरिया प्रतिरोधी क्षमताले हुन्छ । यसले शरीरको दुखाइ कम गर्छ । यसले संक्रमणको खतरा पनि कम गर्छ ।
लसुनको पातमा प्रशस्त्रै आइरन तत्व पाइन्छ । त्यसकारण रक्तअल्पता भएकाहरूले लसुनको पातको नियमित सेवन गर्नु लाभदायक मानिन्छ । नियमित लसुनको पात खाएमा मुटुका लागिसमेत लाभदायक हुन्छ । यसमा पाइने पोलिसल्फाइड तत्वले मुुटुका विभिन्न रोगबाट बचाउँछ ।
लसुनका पातमा म्यांगानिज तत्व हुन्छ । यसले शरीरमा कोलेस्टेरोलको मात्रा नियन्त्रण गर्छ र मुटु तथा रगतसम्बन्धी समस्या कम गर्छ । लसुनको पातको नियमित सेवनले पेट तथा पाचन प्रणालीसम्बन्धी संक्रमण कम गर्छ । साथै, चिसो तथा रुघाखोकीको उपचारमा पनि लसुनको पातको सेवन कामयावी हुन्छ ।
त्यसैले, लसुनको केस्रा मात्र होइन हरियो पात बजारबाट किनेर नियमित तरकारी वा अचारमा मिलाएर खाने गर्नु अति उत्तम काम हो ।

spot_img
spot_img
spot_img

LEAVE A REPLY

Please enter your comment!
Please enter your name here

spot_img
spot_img
स्वास्थ्यलसुन एक फाइदा अनेक
spot_img
spot_img
spot_img
spot_img
spot_img
spot_img
spot_img
spot_img
spot_img

Most Popular

spot_img
spot_img

Recent Comments

spot_img
spot_img