विराटनगर । अलौकिक शक्तिकी अधिठाष्त्री देवी पाथीभरा माताको भावभक्ति पूर्ण गीत सार्वजनिक भएको छ । विराटनगरका युवाहरूले पाथीभरामाताको भक्ति गीत सार्वजनिक गरेका हुन् । युवाहरूमा आफ्नो कला संस्कृति र धर्मप्रतिरुचि कम हुँदै गएको अवस्थामा गीत सार्वजनिक गरिएको उनीहरूले बताएका छन् ।
गीतमा सारेगको शब्द, सङ्गीत र स्वर रहेको छ । भिडियोमा गोमा लम्साल, लकेस दंगाल, सागर लामिछाने लगायतको अभिनय रहेको छ । विशाल पोख्रेल यसका निर्देशक हुन् । अभिनय तारिफयोग्य भएपनि छायाङ्कन तथा सम्पादनमा केही कमजोरी भएपनि समग्रमा भिडियो उत्कृष्ट बनेको कलाकार दंगालले बताए । पहिलो सिर्जना भएकाले पनि केही कमजोरी भएको उनले बताए ।
