स्वेच्छिक तथा निःशुल्क कानूनी सेवा सम्बन्धी कार्यशाला गोष्ठी

बिर्तामोड ८ भदौ । नेपाल बार एसोसिएसनको आयोजनामा कानून व्यवसायी लक्षित स्वेच्छिक तथा निःशुल्क कानूनी सेवा सम्बन्धी एक दिने कार्यशाला गोष्ठी सम्पन्न भएको छ ।
नेपाल बार एसोसिएसनका केन्द्रीयउपाध्यक्ष सुरज खत्रीको अध्यक्षता तथा जिल्ला न्यायधिस चन्द्रमणी ज्ञवालीको प्रमुख आतिथ्यतामा सम्पन्न गोष्ठीमा प्रकाश गौतम र लीलामणी पौडेलले सहजीकरण गर्नुभएको थियो ।
नेपाल बार एसोसिएसन झापाका सचिव हेमकला कट्टेलले सञ्चालन गरेको कार्यक्रममा बारका केन्द्रीय सदस्य सिता पौडेल, झापा बारका अध्यक्ष हरिप्रसाद अधिकारी, एएनडिपीका टेकनाथ सापकोटा लगायतको उपस्थिति रहेको थियो ।