HomeFeatured 2कांग्रेस नेता सिटौलाको पहलमा १२ स्वास्थ्य संस्थालाई अक्सिजन कन्सल्टेटर

कांग्रेस नेता सिटौलाको पहलमा १२ स्वास्थ्य संस्थालाई अक्सिजन कन्सल्टेटर

भद्रपुर । पूर्व उपप्रधान तथा गृहमन्त्री एवं नेपाली काँग्रेसका नेता कृष्णप्रसाद सिटौलाले मेडिकल एसोसिएसन नेपालको सहकार्यमा झापाका १२ स्वास्थ्य केन्द्रलाई एक एक थान अक्सिजन कन्सल्टेटर सहित पिपिइ सेट सहयोग गरेका छन् ।
कोरोना महामारीका कारण विपन्न नागरिकले अक्सिजन अभावमा ज्यान गुमाउनु नपरोस् भन्ने उद्देश्य राखेर नेता सिटौलाले मेडिकल एसोसिएसनसित पहल गरेर झापाका स्वास्थ्य केन्द्रलाई अक्सिजन कन्सल्टेटर सहित पिपिइ सेट सहयोग गरेका हुन् ।
जिल्ला स्वास्थ्य कार्यालयमा एक कार्यक्रम गर्दै नेता सिटौलाले झापाका स्वास्थ्य केन्द्रका लागि ल्याइएका स्वास्थ्य सामग्री स्वास्थ्य कार्यालय प्रमुख ईश्वरीप्रसाद पौडेललाई हस्तान्तरण गरेका थिए । आजै ती सामग्री प्रमुख पौडेलले सम्बन्धित स्वास्थ्य केन्द्रहरूलाई हस्तान्तरण गरेका छन् ।
एक एक थान अक्सिजन कन्सल्टेटर मेसिनसहित पिपिइ सेट सहयोग पाउने स्वास्थ्य केन्द्रहरूमा कचनकवलको बनियानी प्राथकिम स्वास्थ्य केन्द्र, भद्रपुरको पृथ्वीनगर स्वास्थ्यचौकी, महेशपुर स्वास्थ्यचौकी, चन्द्रगढी स्वास्थ्यचौकी छन् । त्यसैगरी हल्दिवारीको जलथल स्वास्थ्यचौकी, बाह्रदशीको राजगढ स्वास्थ्यचौकी, झापाको कुमारखोद स्वास्थ्यचौकी, अर्जुनधाराको अर्जुनधार प्राथमिक स्वास्थ्य केन्द्र, विर्तामोडको अनारमनी नगर अस्पताल, गौरादहको गौरादह स्वास्थ्यचौकी, बुद्धशान्तिको बुधवारे महिला सामुदायिक अस्पताल र शिवसतासीको शिवगञ्ज स्वास्थ्यचौकी रहेका छन् ।
स्वास्थ्य कार्यालय झापाका प्रमुख ईश्वीप्रसाद पौडेलको अध्यक्षतामा सम्पन्न कार्यक्रममा सम्बोधन गर्दै नेता सिटौलाले सरकारी अस्पताल तथा स्वास्थ्य केन्द्रहरूको स्तरीकरण गर्न जरूरी रहेको बताए । उनले विपन्नको ज्यान बचाउन सरकारी स्वास्थ्य संस्थाहरू स्तरीय हुन आवश्यक रहेको भन्दै अस्पतालको मुख नदेखी मर्नु पर्ने बाध्यता हटाउन सवै एकजुट हुन आग्रह समेत गरेका थिए ।
कार्यक्रममा भद्रपुर नगर प्रमुख जीवनकुमार श्रेष्ठले नेता सिटौलाको पहलका कारण प्राप्त भएका स्वास्थ्य सामग्रीले नगरबासीको जीवन बचाउन सहयोग पुग्ने धारणा राख्दै आगामी दिनमा अन्य सहयोग जुट्ने आशाा समेत व्यक्त गरेका थिए ।

spot_img
spot_img
spot_img

LEAVE A REPLY

Please enter your comment!
Please enter your name here

spot_img
spot_img
Featured 2कांग्रेस नेता सिटौलाको पहलमा १२ स्वास्थ्य संस्थालाई अक्सिजन कन्सल्टेटर
spot_img
spot_img
spot_img
spot_img
spot_img
spot_img
spot_img
spot_img
spot_img

Most Popular

spot_img
spot_img

Recent Comments

spot_img
spot_img