स्थापना दिवसमा शैक्षिक सामग्री वितरण

कचनकबल १३ जेठ । नेपाल मुस्लिम संघको १६ औ स्थापना दिवसको अवसर पारेर कचनकबल-५ पाठामारीस्थित समसुल्लाजाहान नुरहक मदरसामा अध्यनरत बिद्यार्थीलाई हिजाव, टोपी,कापी र कलम हस्तान्तरण गरिएको छ । नेपाली काङ्ग्रेसको भात्री सस्था नेपाल मुस्लिम संघ झापाको आयोजनामा सम्पन्न कार्यक्रममा शैक्षिक सामग्री बितरण गरिएको हो । प्रदेश सासद भुमीप्रसाद राजबन्शीको प्रमुख आतिथ्यमा सम्पन्न कार्यक्रममा कचनकबल गाउपालिकाका , अध्यक्ष कालेन्द्र प्र. राजबन्शी, नेपाल मुस्लिम संघका केन्द्र उपाध्यक्ष सरफराज शेख, केन्द्रीय सदस्य सेलेतुन खातुन, अमिन अलि शेख, साहिद शेखलगायतले शुभकामना मन्तब्य राख्नुभएको थियो । नेपाल मुस्लिम संघ झापा जिल्ला अध्यक्ष सफिउल्ला अन्सारीको सभापतित्वमा सम्पन्न कार्यक्रममा जिल्ला एवं गाउतहका नेता- कार्यकर्ता सहभागी थिए ।