सातौं राष्ट्रिय भाक्का दिवस आज विभिन्न कार्यक्रमका साथ मनाइएको छ ।
झापा, मोरङ तथा सुनसरी जिल्लामा बसोबास गर्ने आदिवासी राजवंशी समुदायको परम्परागत खानाको रुपमा भाक्का परिचित छ ।
पूर्वी नेपालमा सर्वाधिक रुचाइने परिकारमध्ये भाक्का पनि एक हो । खासगरी हिउँद अर्थात् जाडो महिनामा भक्काको प्रयोग धेरै हुने गर्दछ ।
सातौं राष्ट्रिय भाक्का दिवसको अवशर पारेर राजवंशी समाज विकास समितिले झापा बिर्तामोडको डोमालाल राजवंशी रंगशालामा विशेष कार्यक्रम सम्पन्न गरेको छ ।
कार्यक्रममा अवलोकन गर्न र भाक्का खान भिड लागेको थियो । लगभग ३० हजार जनाको सहभागिता रहेको जनाइएको छ ।
सहभागीहरुलाई दुईहजार केजी चामलको पिठोबाट भाक्का बनाई निःशुल्क रुपमा खुवाइदै छ ।
