Home समाचार झापा उद्योग वाणिज्य संघको साधारणसभा मंसिरमा

झापा उद्योग वाणिज्य संघको साधारणसभा मंसिरमा

भद्रपुर । झापाको अग्रणी व्यावसायिक संस्था झापा उद्योग वाणिज्य संघको ५३ औं साधारणसभा आगामी मंसिर दोस्रो साता हुने भएको छ ।
संघका अध्यक्ष नवराज पनेरुको अध्यक्षतामा मासिक नियमित बैठक अन्तरगत आइतबार बसेको कार्यसमिति बैठकले मंसिर १३ गतेसाधारणसभा गर्ने निर्णय गरेको हो । यो साधारणसभा चुनावी साधारणसभा हुनेछ ।
बैठकले आगामी तीनवर्षे कार्यकालका लागि कार्यसमितिको निर्वाचनको मिति समेत तोकेको छ । संघको विधान अनुसार जिल्ला कार्यालयमा सदस्यता लिएकामध्येबाट १० जना बराबर १ जना गरी छानिने जिल्ला अधिवेशन प्रतिनिधिका लागि मंसिर १६ गते र जिल्ला कार्यसमितिको निर्वाचन मंसिर १७ गते गर्ने निर्णय गरेको महासचिव पंकज शर्माले जानकारी दिए ।
बैठकले यो साधारणसभा चुनावी साधारणसभा भएको स्मरण गराउँदै असोज मसान्तभित्र सदस्यता नविकरण गर्न आह्वान गरेको छ । संघको जिल्ला कार्यालयमा झण्डै आठसय सदस्य रहेको बताइएको छ । तीमध्ये १० जनाबराबर १ जना प्रतिनिधि छनौटबाट ८० जना प्रतिनिधिले कार्यसमितिको निर्वाचनमा भाग लिन पाउनेछन् । तीनवटा शाखा कार्यसमितिका पदाधिकारी(सदस्यहरुले भाग लिन पाउनेछन् भने एशोसिएट्स र वस्तुगत सदस्य सहभागी हुने महासचिव शर्माले बताए ।

LEAVE A REPLY

Please enter your comment!
Please enter your name here

समाचार झापा उद्योग वाणिज्य संघको साधारणसभा मंसिरमा

Most Popular

Recent Comments