Home समाचार प्रदेशको नामांकनमा सबैको भावना समेट, सहमतिमा गर

प्रदेशको नामांकनमा सबैको भावना समेट, सहमतिमा गर

विर्तामोड २३ साउन । झापाका आदिवासी नेताहरुले प्रदेश १ को नामाकरण सबैको भावनाको सम्मान हुनेगरी सहमतिय प्रणालीबाट गर्न सरकारलाई सुझाव दिएका छन् ।
१ नं। प्रदेशबासीको इतिहास, भूगोल, संस्कृति, सभ्यता र पहिचानलाई आधार मानेर यस क्षेत्रका आदिवासी जनजाति लगायत सबैको भावनाको सम्मान हुनेगरी प्रदेशको नामकरण गर्नुपर्ने उनीहरुको निष्कर्ष छ ।
बिहीबार बिर्तामोडमा भएको छलफलका सहभागी नेताहरुले किरात, कोच, लिम्बुवान, मोरङ्गीया पहिचान पक्षधरलाई एकै ठाउँमा राखेर संवाद मार्फत साझा एजेन्डा तयार गरी सहमतिबाट प्रदेशको नामांकन गर्नुपर्ने विकल्प समेत प्रस्तुत गरेका छन् ।
छलफलमा सहभागी अधिकांश नेताले प्रदेशको नाम ‘किरात’ राख्दा सबैको भावना समेट्ने बताए । त्यस्तै ‘मोरङ–किरात’, ‘कोचिला’ तथा ‘कोचिला–किरात’ नाम राख्नुपर्ने सुझाव समेत दिइएको छ । केही नेताले ‘कञ्चन–सगरमाथा’को नाम समेत प्रस्ताव गरेका छन् ।
किरात, लिम्बुवान, कोचिला, मोरङ्ग जस्ता नाम कुनै जात विशेषको नभई भूगोल, इतिहास, पहिचान र सभ्यतासँग जोडिएको नाम भएको उनीहरुले दाबी गरे । प्रदेश सरकारले प्रदेशको नामाकरण छलफल र सहमतिका आधारमा टुंग्याउनुपर्नेमा उनीहरुको जोड थियो । यदि किरात, लिम्बुवान, कोचिला, मोरङ्ग मध्ये जुन नाम राखे पनि सहमति हुन्छ भने आपत्ति नहुने तर अरु जाति र समुदायलाई संवैधानिक व्यवस्था बमोजिम विशेष, संरक्षित क्षेत्र निर्धारण गरेर अधिकार दिनुपर्नेमा उनीहरुको जोड थियो ।
छलफलमा संविधानसभा सदस्य मोहन टुडू, आदिवासी नेताहरु सन्तोषकुमार गणेश, मोहन राजवंशी, नरेशमान धिमाल, ज्ञानु धिमाल, पुकाराचन्द्र सिंह राजवंशी, अभय राजवंशीले प्रदेश १ को नामाकरणको सन्दर्भमा विभिन्न विकल्पसहित सुझाव प्रस्तुत गरेका थिए । उनीहरुले गहन छलफल, वार्ता र सहमतिको आधारमा अघि बढ्न प्रदेश सरकारलाई सुझाव दिएका छन् ।
त्यस्तै भरतकुमार श्रेष्ठ, धर्मराज माझी, पाण्डवलाल चौधरी, नारायण राजवंशी, नौताली राजवंशी, द्रौपदी गणेश, लखीकुमार गणेश, शर्मिला राजवंशी, श्रीजलाल चौधरी लगायतले समेत सबैको भावना समेटेर प्रदेशको नाम राख्नुपर्नेमा जोड दिए ।
संवाद समूह झापाले संयोजन गरेको छलफलमा उनीहरुले हरेकले अरुको सहअस्तित्वलाई सम्मान गर्नुपर्नेमा समेत जोड दिए ।

LEAVE A REPLY

Please enter your comment!
Please enter your name here

समाचार प्रदेशको नामांकनमा सबैको भावना समेट, सहमतिमा गर

Most Popular

कोरोना संक्रमण पछि झापामा ३ को मृत्यु, ३१ मा संक्रमित थपिए

झापा । कोरोना संक्रमण पुष्टि भएर पछिल्लो २४ घण्टामा झापाका तीनजनाको ज्यान गएको छ । ज्यान गुमाउनेमा विर्तामोड नगरपालिकाका २ र...

प्रदेश–१ का जेठा सांसदलाई कोरोना

झापा १४ कात्तिक। प्रदेश–१ मा सबैभन्दा जेठा सांसद ओमप्रकाश सरावगीलाई कोरोना संक्रमण पुष्टि भएको छ। मेची प्रादेशिक अस्पतालको कोभिड उपचार केन्द्रमा...

निजी अस्पतालका बेडबारे डिडिएमसीले अनुगमन गर्ने

झापा १४ कात्तिक । जिल्ला स्थित कोरोना संक्रमण व्यवस्थापन तथा न्यूनिकरण समिति (डिडिएमसी)ले सरकारले तोके अनुसार निजी अस्पतालले कोरोना संक्रमणका लागि...

पत्रकार महासंघ झापा अध्यक्ष सापकोटालाई कोरोना

झापा । नेपाल पत्रकार महासंघ झापा शाखाका अध्यक्ष तारामणि सापकोटालाई कोरोना संक्रमण पुष्टि भएको छ ।मेची प्रादेशिक अस्पतालको मातहतमा रहेको कनकाई...

Recent Comments