Home समाचार लैङ्गिक हिंसा नियन्त्रणमा कानूनी उपचार सम्बन्धी संवाद

लैङ्गिक हिंसा नियन्त्रणमा कानूनी उपचार सम्बन्धी संवाद

विर्तामोड ३ पुस । झापाको विर्तामोडमा आज शुक्रबार “लैङ्गिक हिंसा : नियन्त्रणका उपाय, न्यायमा पीडितहरुको सहज पहुँच र कानुनी उपचार” विषयक संवाद सम्पन्न भएको छ ।
जिल्ला प्रहरी कार्यालय झापाका प्रमुख प्रहरी उपरिक्षक कृष्णप्रसाद कोइराला र अधिवक्ता खगेन्द्र खरेलले सहजीकरण गरेको संवादमा ६० जनाको सहभागिता थियो ।
संवाद समूह झापाले संयोजन गरेको कार्यक्रममा प्रहरी उपरिक्षक कोइरालाले लैङ्गिक हिंसाका प्रकृति, जिल्लाको अवस्था र समाजका अगुवाले निर्वाह गर्नुपर्ने दायित्वबारे बताएका थिए । उनले हिंसा पीडितलाई न्यायमा पहुँच पु¥याउन जतिसक्दो चाँडो प्रमाणसहित कानूनी उपचारको बाटो अवलम्बन गर्न सबैलाई सुझाए ।
अपाङ्गता भएका, हिंसापीडित, जनप्रतिनिधि, महिला अधिकारका क्षेत्रमा काम गर्ने संस्थाका अगुवाहरुको सहभागिता रहेको थियो । घटनालाई लुकाउँदा तथा बढाइ–चढाइ गर्दा पीडित झन पीडित बन्ने र पीडकले उन्मुक्ति पाउने गरेको समेत बताइयो । सहभागीले विभिन्न हिंसाका घटना र कानूनी उपचारबारे सहजकर्तासँग हाकाहाकी सवाल–जवाफ गरेका थिए ।
सबै खाले हिंसा नियन्त्रणमा जनचेतना लगायतका माध्यमबाट सशक्त ढंगले अघि बढ्दै पीडितलाई न्यायका लागि पीडकलाई कानूनी कठघरामा उभ्याउन अग्रणी भूमिका निर्वाह गर्ने सहभागीले प्रतिबद्धता जनाए ।
पछिल्लो समय सामाजिक सञ्जाल तथा प्रवियधिको दुरुपयोगका कारण लैङ्गिक हिंसा बढेकोले हिंसा न्यूनिकरणमा प्रविधिको सदुपयोगमा जोड दिइएको थियो ।

LEAVE A REPLY

Please enter your comment!
Please enter your name here

समाचार लैङ्गिक हिंसा नियन्त्रणमा कानूनी उपचार सम्बन्धी संवाद

Most Popular

Recent Comments