Home समाचार झापामा एकैदिन ७९ जनामा कोरोना पोजेटिभ

झापामा एकैदिन ७९ जनामा कोरोना पोजेटिभ

झापा । पछिल्लो २४ घण्टामा झापामा ७९ जनामा कोरोना संक्रमण पोजेटिभ देखिएको छ ।
जिल्ला जनस्वास्थ्य कार्यालय झापाको पछिल्लो तथ्याङ्क अनुसार झापाका नौवटा स्थानीय तहका ७९ जनामा कोरोना संक्रमण पोजेटिभ देखिएको हो ।
प्राप्त तथ्याङ्क अनुसार शनिबार सबैभन्दा बढी विर्तामोड नगरपालिकाका २२ जनामा कोरोना पोजेटिभ देखिएको छ । त्यस्तै दमक नगरपालिका १४, भद्रपुर र मेचीनगरका १३÷१३ जना, कनकाई नगरपालिकाका ९, कमल गाउँपालिकाका ३, गौरादह र शिवसताक्षीका २÷२ जना तथा हल्दिवारीका १ जनामा कोरोना संक्रमण पोजेटिभ देखिएको पाइएको छ । भद्रपुरका संक्रमित मध्ये ८ जना सुरक्षाकर्मी रहेका छन् भने मेचीनगरका ६ जना संक्रमितको ठेगाना काठमाडौं रहेको स्वास्थ्य कार्यालय झापाका कोरोना फोकल पर्सन जीवन चौंलागाईँद्वारा जारी प्रेश विज्ञप्तिमा उल्लेख गरिएको छ ।
सार्वजनिक तथ्याङ्क अनुसार ३१ जना महिला र ४८ जना पुरुष संक्रमित भएका छन् ।
त्यस्तै यो अवधीमा दमक र गौरादहका १÷१ जना गरी २ जना कोरोना संक्रमितको मृत्यु भएको छ ।
शनिबार देशभर ३ हजार १ सय ६७ जनामा कोरोना संक्रमण देखिएको छ । योसंगै देशभर संक्रमितको संख्या १ लाख २९ हजार ३ सय ४ जना पुगेको छ । कुल संक्रमित मध्ये ३८ हजार ३ सय ७० जना सक्रिय संक्रमित रहेका छन् भने १ हजार ८ सय जना कोरोना संक्रमण जितेर घर फर्किएका छन् ।

LEAVE A REPLY

Please enter your comment!
Please enter your name here

समाचार झापामा एकैदिन ७९ जनामा कोरोना पोजेटिभ

Most Popular

Recent Comments