Home शिक्षा सरकारी अनुमतिविनै विद्यालय सञ्चालन हुँदै

सरकारी अनुमतिविनै विद्यालय सञ्चालन हुँदै

भद्रपुर । भौतिक रूपमा विद्यालय सञ्चालन गर्न सरकारले अनुमति दिएको छैन । तर, भद्रपुर नगर क्षेत्रका आधादर्जन बढी विद्यालयहरूले कक्षा सञ्चालन गरिरहेको खुलासा भएको छ ।
समुदायस्तरमा कोरोना संक्रमण तीव्र हुँदै गएको भद्रपुर नगर क्षेत्रमा बैकल्पिक शिक्षण विधि छोडेर केही विद्यालयहरूले भौतिक रूपमै कक्षा सञ्चालन गरिरहेको पाइएको हो । यसरी कक्षा सञ्चालन गर्ने विद्यालयहरूमा पुरानो भद्रपुर नगर क्षेत्रमा ३, महेशपुरमा २ र पृथ्वीनगरमा ४ वटा रहेको स्थानीय अभिभावकहरूको भनाइ छ । भौतिक रूपमा कक्षा सञ्चालन गरिरहेका विद्यालयहरूले केहीले विहान र केहीले दिउँसो कक्षा सञ्चालन गरिरहेका छन् । सुरक्षा सावधानी समेत नअपनाई पठनपाठन भइरहेको अवस्थाले कोरोना संक्रमण जोखिम बढेको स्थानीयको गुनासो छ ।
शिक्षा विकास समन्वय इकाइ झापामा समेत भौतिक रूपमा विद्यालय सञ्चालन गर्न मातहत निकायबाट अनुमती नरहेको जानकारी हुँदा हुँदै सदरमुकाममै सरकारी नीति विपरित शिक्षण भइरहेको पाइएको छ ।
पछिल्लो शिक्षण निर्देशिका अनुसार बैकल्पिक शिकाइ अन्र्तगत अनलाइन् शिक्षण, क्लस्टर शिक्षण गर्न अनुमति दिइएको छ भने प्रविधि र स्थलगत अध्यापनमा पहुँच कम भएका केही विद्यालयहरूले विद्यालयमै विद्यार्थी बोलाएर पढाइरहेको अवस्था छ ।
विद्यालयमा कक्षा सञ्चालन बारेको जिज्ञासामा झापाका प्रमुख जिल्ला अधिकारी श्रवणकुमार तिमिल्सिनाले सरकारले तय गरेको पछिल्लो शिक्षण निर्देशिका विपरित कोभिड १९ संक्रमण जोखिम हुने गरी कक्षा सञ्चालन गर्न नपाइने बताउनु भयो । प्रजिअ तिमिल्सिनाले बैकल्पिक शिक्षण सहजीकरण गर्न शिक्षा विकास समन्वय इकाइलाई जिम्मेवारी दिइएको जनाउँदै सरकारी नीति विपरित जान नपाइने उहाँको भनाइ छ ।

LEAVE A REPLY

Please enter your comment!
Please enter your name here

शिक्षा सरकारी अनुमतिविनै विद्यालय सञ्चालन हुँदै

Most Popular

Recent Comments