Home समाचार सिम्रिकको नेतृत्वमा सुवास

सिम्रिकको नेतृत्वमा सुवास

विर्तामोड । सिम्रिक बचत तथा ऋण सहकारीको अध्यक्षमा सुवास भट्टराई सर्वसम्मत चयन हुनुभएको छ । आगामी चार वर्षे कार्यकालका लागि मनोनयन दर्ता गर्दा अध्यक्ष पदमा भट्टराईको मात्र मनोनयन दर्ता भएसंगै अबको चारवर्ष सिम्रिकको नेतृत्व भट्टराईले पाउनु भएको हो ।
भट्टराई नेपाल अलैंची व्यवसायी महासंघका महासचिव, नेपाल राष्ट्रिय वाणिज्य संघ बिर्तामोडका अध्यक्ष लगायत विभिन्न व्यवसायिक एवम् राजनीतिक संघ–संस्थाको जिम्मेवारी सम्हाल्दै आउनु भएको छ ।
यसरी नै उपाध्यक्षमा किरण कपुरीले निरन्तरता पाउने भएका छन् भने सचिवका लागि सञ्चालक सदस्य इन्द्रबहादुर कार्कीको मात्र मनोनयन दर्ता भएको छ । संस्थाको कोषाध्यक्षमा हरिप्रसाद कडरिया, मेहरमान विष्ट र टंककुमार (प्रकाश) बस्नेतको मनोनयन दर्ता भएको निर्वाचन समितिका संयोजक तथा विर्तामोड नगरपालिकाका सहकारी अधिकृत डिल्ली दाहालले जानकारी दिनुभयो । निर्वाचन समितिका संयोजक दाहालका अनुसार अध्यक्ष, उपाध्यक्ष र सचिवका लागि एक–एकजनाको उम्मेदवारी परेको छ भने कोषाध्यक्षमा ३ जनाको मनोनयन दर्ता भएको छ ।
यसैगरी सञ्चालक सदस्यहरुमा प्रकाश भट्टराई, शशिकला मुखिया, चन्द्रकला भट्टराई सुवेदी, लीला अधिकारी मुखिया र नविन योगी (जोगी) रहेका छन् ।
सिम्रिक साकोसको काम कारबाहीहरु नीति, विधि अनुसार भए नभएको हेर्न आन्तरिक नियमन गर्ने जिम्मेवारी पुनः पुरानै टिमले पाएको छ । लेखा सुपरीवेक्षण समिति संयोजकमा रमेश अधिकारीसहित सदस्यहरु मिनप्रसाद गुरागाईं र ओमराज राई सबैले निरन्तरता पाउने निश्चित भएको छ ।
कोषाध्यक्ष पदमा तीनजनाको उम्मेदवारी परेकाले आपसी समझदारी गर्न छलफल भइरहेको जनाइएको छ । आज (मंगलबार) सम्म मनोनयन फिर्ता लिने समय रहेकाले तोकिएको समयभित्रै एकजनालाई सहमतिको उम्मेदवार चयन गर्न आफूहरु प्रयत्नशील रहेको कमल बस्नेतले जानकारी दिनुभयो ।
सहकारी ऐन २०७४ को भावना बमोजिम आउँदो कात्तिक १ गतेदेखि सहकारी संस्थाको सञ्चालक समितिमा रहेका व्यक्तिले कार्यकारी प्रमुखको भूमिकामा रहन नमिल्ने भएपछि हालका अध्यक्ष कमलबहादुर बस्नेतले अध्यक्षमा उम्मेदवारी नदिएको बताइएको छ । उनी अब निरन्तर संस्थाको प्रमुख कार्यकारी अधिकृत भएर सेवा गर्ने निर्णयमा पुगेको बुझिएको छ ।

LEAVE A REPLY

Please enter your comment!
Please enter your name here

समाचार सिम्रिकको नेतृत्वमा सुवास

Most Popular

कोरोना संक्रमण पछि झापामा ३ को मृत्यु, ३१ मा संक्रमित थपिए

झापा । कोरोना संक्रमण पुष्टि भएर पछिल्लो २४ घण्टामा झापाका तीनजनाको ज्यान गएको छ । ज्यान गुमाउनेमा विर्तामोड नगरपालिकाका २ र...

प्रदेश–१ का जेठा सांसदलाई कोरोना

झापा १४ कात्तिक। प्रदेश–१ मा सबैभन्दा जेठा सांसद ओमप्रकाश सरावगीलाई कोरोना संक्रमण पुष्टि भएको छ। मेची प्रादेशिक अस्पतालको कोभिड उपचार केन्द्रमा...

निजी अस्पतालका बेडबारे डिडिएमसीले अनुगमन गर्ने

झापा १४ कात्तिक । जिल्ला स्थित कोरोना संक्रमण व्यवस्थापन तथा न्यूनिकरण समिति (डिडिएमसी)ले सरकारले तोके अनुसार निजी अस्पतालले कोरोना संक्रमणका लागि...

पत्रकार महासंघ झापा अध्यक्ष सापकोटालाई कोरोना

झापा । नेपाल पत्रकार महासंघ झापा शाखाका अध्यक्ष तारामणि सापकोटालाई कोरोना संक्रमण पुष्टि भएको छ ।मेची प्रादेशिक अस्पतालको मातहतमा रहेको कनकाई...

Recent Comments