Home समाचार कांग्रेस आमन्त्रित सदस्यमा ६ मनोनित

कांग्रेस आमन्त्रित सदस्यमा ६ मनोनित

झापा । नेपाली कांग्रेस झापाले विभिन्न समयमा बेग्लाबेग्लै पार्टी परित्याग गरी कांग्रेसमा प्रवेश गरेका र नेपाली कांग्रेस केन्द्रिय समितिको निर्णय बमोजिम क्रियाशिल सदस्यता प्राप्त गरिसकेका तथा विदेशी भूमिमा रहेर पनि नेपाली कांग्रेस झापालाई महत्वपूर्ण सहयोग पुर्याएका ६ जनालाई आमन्त्रित जिल्ला सदस्यमा मनोनयन गरेको छ भने २ जनालाई सल्लाहकार सदस्यमा मनोनयन गरिएको छ ।
यसरी मनोनित हुनेहरुमा विभिन्न पार्टी परित्याग गरी कांग्रेस प्रवेश गरी क्रियाशील सदस्यता प्राप्त गरिसकेका घनश्याम चौधरी, महेन्द्रभूषण साह, पदमप्रसाद प्रसाई, चन्द्रप्रसाद गिरी रहेका छन् ।
यसैगरी अमेरिकाको लस एन्जल्समा बसेर नेपाली कांग्रेसको नीति अनुरुप संगठन निर्माणमा महत्वपूर्ण भूमिका खेल्नुभएका मदन पाठक र डेनमार्कको कोपनहेगनमा रहनुभएका गोविन्द पौडेललाई आमन्त्रित जिल्ला सदस्यमा मनोनयन गरिएको नेपाली कांग्रेस झापाका सभापति उद्वव थापाले जानकारी दिनुभयो ।
उहाँका अनुसार कमल गाउँपालिका निवासी दिलिपकुमार राई र भद्रपुर निवासी विश्वनाथ श्रेष्ठलाई सल्लाहकार सदस्यमा मनोनयन गरिएको छ ।
यसैबीच जिल्ला पार्टी कार्यालयमा बुधबार आयोजित संक्षिप्त कार्यक्रमका बीच आमन्त्रित जिल्ला सदस्यमा मनोनित चौधरी र शाहलाई नेपाली कांग्रेसका केन्द्रीय सदस्य सुधिरकुमार शिवाकोटीले मनोनयन पत्र प्रदान गर्दै स्वागत गर्नुभयो । स्वागत तथा शुभकामना दिनुहुँदै केन्द्रीय सदस्य शिवाकोटीले सबै आमन्त्रित सदस्यहरुलाई नेपाली कांग्रेसको नीति बमोजिम लोकतान्त्रिक विकासमा महत्वपूर्ण भूमिका खेल्न आह्वान गर्दै कार्यकाल सफलताको शुभकामना ब्यक्त गर्नुभयो ।
नेपाली कांग्रेस झापाका सभापति उद्वव थापाको सभापतित्वमा सम्पन्न कार्यक्रममा २ नं क्षेत्रीय सभापति खगेन्द्र मैनाली, क्षेत्र नं २ प्रदेश क का सभापति धर्म लक्सम्बा, ट्रेड युनियन कांग्रेस झापाका सभापति यज्ञप्रताप अधिकारी, नेपाल प्रेस युनियन झापाका अध्यक्ष इन्दु पूर्वेली, नेपाली कांग्रेस विर्तामोड नगर सभापति भोजराज सिटौला लगायतको उपस्थिति रहेको कार्यालय सचिव जयकुमार दाहालले जानकारी दिनुभयो ।

LEAVE A REPLY

Please enter your comment!
Please enter your name here

समाचार कांग्रेस आमन्त्रित सदस्यमा ६ मनोनित

Most Popular

कारवाहीको माग गर्दै बुहारी आवाजद्वारा प्रधानमन्त्रीलाई ज्ञापन

झापा ११ मंसीर । महोत्तरीमा बलात्कारपछि हत्या गरिएकि बालिका गुलाब खातुनका हत्यारालाई कडा कानुनी कारबाहीको माग गर्दै मेचीमहाकाली संयुक्त बुहारी आवाजले...

हाजिरीजवाफ प्रतियोगितामा बीरेन्द्र मावि प्रथम

भद्रपुर १० मंसीर । झापाको भद्रपुर जेसीजले जेसीज सप्ताह २०२० को ५ औं कार्यक्रम अन्र्तगत भद्रपुर नगरपालिका मावि स्तरीय अन्तर मावि...

चन्द्रगढी विमान स्थलको उत्तरतर्फ मूलगेट र टर्मिनल भवन बन्नुपर्ने माग

झापा १० कार्तिक । चन्द्रगढी विमान स्थलको स्तरबृद्धि पछिल्लो डिपिआर अनुसार अबिलम्ब थालिनु पर्ने माग राख्दै स्थानीयले संघर्ष थालेका छन् ।पछिल्लो डिपिआर...

एनएमसीको १२ प्रतिशत लाभांस वितरणको प्रस्ताव

झापा १० मंसीर । नेपाल बहुउद्देश्यीय सहकारी संस्थाले २८ औं बार्षिक साधारणसभामा पेश गर्ने बार्षिक प्रतिवेदन आज सार्वजनिक गरेको छ ।संस्थाको विर्तामोडस्थित...

Recent Comments