Home समाचार नेपाल पत्रकार महासंघ १ नं. प्रदेश आफ्नै भवनमा

नेपाल पत्रकार महासंघ १ नं. प्रदेश आफ्नै भवनमा

विराटनगर । स्थापनाकालदेखि नै भाडामा बस्दै आएको नेपाल पत्रकार महासंघ–१ नं. प्रदेश समितिको कार्यालय आज (शनिबार) देखि आफ्नै नवनिर्मित भवनमा सरको छ । विराटनगर–५ मा बन्दै गरेको भवनमा संविधान दिवसको अवसर पारेर शनिबार आफ्नै नवनिर्मित भवनमा कार्यालय सारिएको हो ।
प्रदेश सरकारको सहयोग तथा विराटनगर महानगरपालिकाले उपलब्ध गराएको जग्गामा भवन निर्माण गरि कार्यालय सारिएको पत्रकार महासंघ प्रदेश समितिका अध्यक्ष बिक्रम लुईँटेलले जानकारी दिनुभयो । चारतले भवन निर्माण गर्ने लक्ष्य राखेर निर्माण प्रारम्भ गरिएको भवन निर्माणाधिन अवस्थामै छ ।
महानगरपालिकाले उपलब्ध गराएको एककठ्ठा जमिनमा एककरोड लागतमा भवन सम्पन्न गर्ने योजना रहेको महासचिव विवेक गौतमले जानकारी दिनुभयो । महासचिव गौतमका अनुसार हालसम्ममा लगभग ७३ लाख रुपैयाँ खर्च भइसकेको छ ।
मुलुक संघीयतामा गएसँगै संघीय संरचना अनुसार प्रदेश समिति गठन गरेको महासंघका ७ भुगोल र ३ विषेश प्रदेश समितिमध्ये आफ्नै भवन बनाउने प्रदेश समिति १ नंं. पहिलो हो।

LEAVE A REPLY

Please enter your comment!
Please enter your name here

समाचार नेपाल पत्रकार महासंघ १ नं. प्रदेश आफ्नै भवनमा

Most Popular

Recent Comments