Home खेल कराँतेको समर क्याम्प विर्तामोडमा

कराँतेको समर क्याम्प विर्तामोडमा

विर्तामोड ३ साउन । कराँते खेलाडीहरुको सीप विकास र क्षमता अभिवृद्धि गर्ने उद्देश्यले झापाको विर्तामोडमा त्रिदिवसीय कराँते प्रशिक्षण टेक्निकल सेमिनार समर क्याम्प आजदेखि विर्तामोडमा शुरु भएको छ ।
झापा जिल्ला खेलकुद विकास समितिको आयोजनामा शुरु क्याम्पको विर्तामोडमा आयोजित एक कार्यक्रमका बीच समुद्घाटन गरिएको हो । कार्यक्रमको समुद्घाटन गर्दै प्रमुख अतिथि तथा विर्तामोड नगरपालिकाका उपमेयर पवित्रा महतारा प्रसाइले खेलले ब्यक्तिको बौद्धिक र शैक्षिक विकासमा सहयोग पुग्ने धारणा राख्नुभयो ।
कार्यक्रममा समाजसेवी हर्कलाल गिरी, विर्तामोड उद्योग बाणिज्य संघका अध्यक्ष कुमार भट्टराई, विर्तामोड खानेपानी तथा सरसफाई उपभोक्ता समितिका अध्यक्ष जलकुमार गुरुङलगायतले शुभकामना मन्तब्य राख्नुभयो ।
झापा जिल्ला खेलकुद विकास समितिका अध्यक्ष शंकर थापाको अध्यक्षतामा सम्पन्न कार्यक्रममा स्वागत तथा औचित्यमाथि प्रकाश उपाध्यक्ष भेषराज भण्डारी प्रशान्त र सञ्चालन टहलदास मैनालीले गर्नुभएको थियो ।

झापा जिल्लाभरीका सिङ्गल वोर्न वेल्ट र ब्ल्याक वेल्ट गरी लगभग १८० खेलाडीको सहभागिता रहेको कार्यक्रम तीनदिनसम्म चल्नेछ । प्रशिक्षणमा काँता, कुमुते लगायत कराँते खेलमा राष्ट्रिय तथा अन्तर्राष्ट्रियस्तरमा आएको परिवर्तित प्रविधि र नियमका बारे जानकारी दिइने र उक्त प्रशिक्षणले क्षेत्रीय, राष्ट्रिय तथा अन्तर्राष्ट्रिय स्तरका प्रतियोगितामा सहभागिता जनाउँदा सहयोग पुग्ने झापा जिल्ला खेलकुद विकास समितिका उपाध्यक्ष भण्डारीले जानकारी दिनुभयो ।
प्रशिक्षणमा राष्ट्रिय प्रशिक्षक राजु महर्जनसहित कुमार उप्रेती, दुर्गा निरौला, मिना पाठक, सिता राई, किशन मोहोते, विष्णु नेम्बाङ, श्याम राई, जीवन राईलगायतले प्रशिक्षण दिनुहुनेछ ।

LEAVE A REPLY

Please enter your comment!
Please enter your name here

खेल कराँतेको समर क्याम्प विर्तामोडमा

Most Popular

प्रदेश–१ का जेठा सांसदलाई कोरोना

झापा १४ कात्तिक। प्रदेश–१ मा सबैभन्दा जेठा सांसद ओमप्रकाश सरावगीलाई कोरोना संक्रमण पुष्टि भएको छ। मेची प्रादेशिक अस्पतालको कोभिड उपचार केन्द्रमा...

निजी अस्पतालका बेडबारे डिडिएमसीले अनुगमन गर्ने

झापा १४ कात्तिक । जिल्ला स्थित कोरोना संक्रमण व्यवस्थापन तथा न्यूनिकरण समिति (डिडिएमसी)ले सरकारले तोके अनुसार निजी अस्पतालले कोरोना संक्रमणका लागि...

पत्रकार महासंघ झापा अध्यक्ष सापकोटालाई कोरोना

झापा । नेपाल पत्रकार महासंघ झापा शाखाका अध्यक्ष तारामणि सापकोटालाई कोरोना संक्रमण पुष्टि भएको छ ।मेची प्रादेशिक अस्पतालको मातहतमा रहेको कनकाई...

नगरप्रमुख आचार्य सिलीगुढीको किन्स हस्पिटल भर्ना

झापा । झापाको मेचीनगर नगरपालिकाका प्रमुख विमल आचार्यलाई भारतको पश्चिम बंगालस्थित सिलगुडीको किन्स हस्पिटलमा भर्ना गरिएको छ । कोरोना संक्रमण भएपछि विराटनगरको...

Recent Comments