Home समाचार विकास लिएर जनताका आँगनमा सरकार आफैं आउने

विकास लिएर जनताका आँगनमा सरकार आफैं आउने

झापा । १ नं. प्रदेशका मुख्यमन्त्री शेरधन राईले जनताको सरकार जनताकै घर दैलोमा आउने र जनतालाई सेवा सुविधा दिने बताउनु भएको छ ।
झापाको अर्जुनधारा नगरपालिका वडा नं.– ६ र ९ स्थित माता मन्दिर प्रणामी मन्दिरसम्मको मुख्यमन्त्री ग्रामीण पूर्वधार सडक परियोजना अन्तरगत निर्मित डेढ किलोमिटर लम्बाईको नवनिर्मित सडक आज (विहीबार) उद्घाटन गर्दै मुख्यमन्त्री राईले अब सरकार खोज्न सिंहदरबार जानु नपर्ने सरकार आफैं जनताको घर दैलोमा विकास लिएर आउने बताउनुभयो ।
देश संघीयतामा गएको र जनताले अब तीन तहको सरकार भेटने बताउँदै मुख्यमन्त्री राईले स्थानीय प्रदेश र केन्द्रले मिलेर जनताका समस्या तत्काल समाधानमा काम गरिरहेको उहाँको भनाइ थियो । सानातिना काम स्थानीयतह, मझौला प्रकृतिका प्रदेश सरकार र ठूला आयोजनाहरु संघीय सरकारबाट पुरा हुने उहाँको भनाई थियो ।
२०७७ असार २१ मा निर्माण सम्पन्न गर्नेगरी २०७७ बैशाख २२ गते सम्झौता गरी निर्माणको जिम्मेवारी लिएको शान्ति निर्माण सेवाले एकमहिना पछि मात्र निर्माण सम्पन्न गरेको हो । वर्षाका कारण निर्माण कार्यमा केही ढिला भएको निर्माण कम्पनीका ठेकेदार अनिल भट्टराईले बाताउनुभयो ।
८८ लाख ११ हजार १७१ रुपैयाँको लागतमा निर्माण सम्पन्न भएको उक्त सडक खण्डको १५० मिटर भाग निर्माणमा बजेट अभाव भएपछि अर्जुनधारा नगरपालिकाले चालु आवको बजेटबाट १० लाख रकम निकासा दिने भएको निर्माण व्यवसायी संघ झापाका अध्यक्ष तथा स्थानीय बासिन्दा मिलन बस्नेतले जानकारी दिनुभयो ।
निर्माण समितिका अध्यक्ष रामप्रसाद भट्टराइको सभापतित्वमा सम्पन्न बाटो उद्घाटन कार्यक्रममा बाटो निर्माण कार्य राम्रो गरेको भन्दै शान्ति निर्माण सेवालाई उपभोक्ता समितिले गरेको सम्मान पत्र मुख्यमन्त्री शेरधन राईले निर्माण कम्पनीका ठेकेदार अनिल भट्टराईलाई हस्तान्तरण गर्नुभयो ।
निर्माण समितिका उपाध्यक्ष सूर्यप्रसाद अधिकारीले स्वागत र श्याम घिमिरे सञ्चालन गरेको बाटो उद्घाटन कार्यक्रममा प्रदेश सरकारका कृषि मन्त्री राम राना, प्रदेश सांसद बृर्ख प्रधान, अर्जुनधारा नगरपालिकाका मेयर हरिकुमार राना, सविधानसभा सदस्य प्रेमबहादुर गिरी, नेकपाका झापा जिल्ला अध्यक्ष चिन्तन पाठक लगायतको सहभागिता रहेको थियो ।

LEAVE A REPLY

Please enter your comment!
Please enter your name here

समाचार विकास लिएर जनताका आँगनमा सरकार आफैं आउने

Most Popular

अमिलो उद्योगबाट अवैध सूर्ती बरामद

झापा । विर्तामोड नगरपालिका–५ एकताटोलमा सञ्चालित अमिलो उद्योगबाट प्रहरी अवैध रुपमा राखिएको सूर्ति बरामद गरेको छ ।विर्तामोड–५ एकताटोलस्थित विवेक पाण्डेको घर भाडामा लिई पुष्प...

निर्मलाले जन्माइन ३ बच्चा, आमा र बच्चा दुवै स्वस्थ

झापा । झापा मेचीनगर–९ की एक महिलाले ३ वटा बच्चा जन्माएकी छन् ।मेचीनगर–९ की निर्मला विष्ट रिजालबाट आइतबार विर्तामोडस्थित मनमोहन हस्पिटलमा पहिलो...

विकास निर्माणका अधुरा कामलाई पूर्णता दिन कांग्रेसको माग

भद्रपुर । सर्वसाधारण जनताले प्रत्यक्ष सरोकार राख्ने वडाका समसामयिक विकास निर्माणका कार्यहरुलाई तत्काल पूर्णता दिन माग गर्दै नेपाली कांग्रेस भद्रपुर– १० न....

नेपाल पत्रकार महासंघ १ नं. प्रदेश आफ्नै भवनमा

विराटनगर । स्थापनाकालदेखि नै भाडामा बस्दै आएको नेपाल पत्रकार महासंघ–१ नं. प्रदेश समितिको कार्यालय आज (शनिबार) देखि आफ्नै नवनिर्मित भवनमा सरको छ...

Recent Comments