Home समाचार पत्रकार बानियाँ मृत फेला हत्या वा आत्महत्या ?

पत्रकार बानियाँ मृत फेला हत्या वा आत्महत्या ?

काठमाडौं । गत सोमबारदेखि हराइरहेका पत्रकार बलराम बानियाँ मृत भेटिएका छन् ।
कान्तिपुर दैनिकका सहायक सम्पादक पत्रकार बानियाँ मकवानपुरको भिमफेदी गाउँपालिका सिस्नेरीस्थित माण्डो जलविद्युत आयोजनामा उनको शव भेटिएको अपराध अनुसन्धान महाशाखाका प्रमुख एसएसपी दीपक थापाले जनाउनु भएको छ ।
बानियाँ दुई दिनदेखि घर नफर्किएको भन्दै परिवारले महानगरीय प्रहरी परिसर, काठमाडौं र अपराध अनुसन्धान महाशाखा, बानेश्वरमा उजुरी दिएको थियो । परिवारका सदस्यलाई फोटो देखाएर शवको सनाखत गरिएको उहाँले जानकारी दिनुभएको हो ।
अपराध महाशाखाले बानियाँको मोबाइल फोनको प्राविधिक विश्लेषणको आधारमा खोजी गरेको थियो । उनको मोबाइल सोमबार दिउँसो १ बजे बल्खु खोला छेऊबाट स्वीच अफ भएको थियो ।
बानियाँको शव पोस्टमार्टमका लागि हेटौंडा अस्पतालमा लगिएको छ । तीन दिनदेखि परिवार साथीभाइ र कार्यालयमा सम्पर्कमा नरहेको भन्दै कान्तिपुर दैनिकले बुधबार बिहान उजुरी गरेको महानगरीय प्रहरी परिसर काठमाडौंका प्रवक्ता सोमेन्द्रसिंह राठौरले जानकारी दिनुभएको छ । बानियाँका श्रीमती, एक छोरा र एक छोरी छन् ।

LEAVE A REPLY

Please enter your comment!
Please enter your name here

समाचार पत्रकार बानियाँ मृत फेला हत्या वा आत्महत्या ?

Most Popular

Recent Comments