Home समाचार ६० वर्षमाथिका बृद्धबृद्धालाई घरबाहिर ननिस्कन आग्रह

६० वर्षमाथिका बृद्धबृद्धालाई घरबाहिर ननिस्कन आग्रह

बिराटनगर । कोरोना संक्रमणका कारण सोमबार बिराटनगरमा आज एक ७७ वर्षिय बुद्धको मृत्युु भएको छ । कोशी अस्पतालमा उपचारका लागि आएका बिराटनगर ५ का ७७ बर्षका बृद्धको सोमबार मृत्यु भएको अस्पतालका डा. दिपक सिग्देलले जानकारी दिनुभयो । डा. सिग्देलका अनुसार उनी स्वास प्रस्वासमा समस्या आएपछि उपचारका लागि अस्पताल आएका थिए । उनलाई आईसोलेसनमा उपचाररत ती बृद्धको कोरोना परिक्षण रिपोट पोजिटिभ आएको डा सिग्देलले बताउनु भएको छ ।
यसैबीच कोभिडको स्पेसिफिक उपचार नभएकोले संक्रमितलाई सर्पोटिङ उपचार मात्र दिंदै आएको स्वास्थ्य तथा जनसंख्या मन्त्रालयका प्रवक्ता गौतमले जानकारी दिनुभयो । कोरोना सम्बन्धी नियमित प्रेस ब्रिफिङका क्रममा गौतमले ६० वर्षमाथिका बृद्धबृद्धालाई कोरोना संक्रमण भए बचाउन कठिन हुने बताउनु भएको छ । बृद्धबृद्धा र बालबालिकालाई घरबाट बाहिर ननिस्कन आग्रह गर्दै प्रवक्ता गौतमले भन्नुभयो–‘बृद्धबृद्धालाई कोरोना संक्रमण भएमा बचाउन कठिन छ ।’ उहाँले थप्नुभयो–‘बालबालिकाले पनि सामाजिक दुरी कायम गर्न सक्दैनन्, त्यही कारणले पनि जोखिम उत्पन्न हुन सक्छ, त्यसैले बालबालिकालाई पनि भरसक घरबाहिर निस्कन नदिनु ।’

LEAVE A REPLY

Please enter your comment!
Please enter your name here

समाचार ६० वर्षमाथिका बृद्धबृद्धालाई घरबाहिर ननिस्कन आग्रह

Most Popular

Recent Comments