Home समाचार लकडाउनमा लागुऔषधसहित ७ जना प्रहरी नियन्त्रणमा

लकडाउनमा लागुऔषधसहित ७ जना प्रहरी नियन्त्रणमा

विर्तामोड । इलाका प्रहरी कार्यालय विर्तामोडले कोरोना संक्रमण जोखिम न्यूनिकरणका लागि सरकारले गरेको लकडाउन अवधीमा लागुऔषधसहित ७ जनालाई नियन्त्रणमा लिएको छ ।
लकडाउनको अवधीम पक्राऊ परेका ७ जनाबाट ३४ ग्राम प्रतिबन्धित लागुऔषध ब्राउन सुगर बरामद भएको इलाका प्रहरी कार्यालय अनारमनीका प्रमुख मुकुन्द रिजालले जानकारी दिनुभयो । यसले लकडाउनमा पनि लागु औषधको कारोबार नरोकिएको देखाउँछ ।
यसैबीच लकडाउन खुलेको हप्तादिनपछि साउन १४ गते इलाका प्रहरी अनारमनीले लागु औषधसहित पाँचजनालाई नियन्त्रणमा लिएको छ । प्रहरीले कनकाई नगरपालिका–४ का २७ बर्षीय संजय पोखरेल, २९ वर्षिय जीवन खत्री दर्जी, ३० बर्षीय पंकज उप्रेती र २५ बर्षीय फियाज मुमेनलाई १२ ग्राम ८० मिलिग्राम ब्राउन सुगरसहित पक्राऊ गरेको हो । उनीहरुलाई कनकाई नगरपालिका–४ को इलुवाबारीबाट नियन्त्रणमा लिएको इप्रका अनारमनीले जनाएको छ ।
त्यस्तै बिर्तामोड नगरपालिका–४ घर भई अर्जुनधारा नगरपालिका–६ बस्दै आएका २० बर्षीय निकेश राईलाई १ ग्राम ५०० मिलिग्राम ब्राउनसुगर सहित पक्राउ गरेको प्रहरीले जनाएको छ। पक्राउ परेका राईको साथबाट ८७ हजार पाँचसय रुपैयाँ नगद समेत फेला परेको ईलाका प्रहरी कार्यालय अनारमनीले जनाएको छ।
पक्राउ परेकालाई लागु औषध नियन्त्रण ऐन २०३३ को परिच्छेद ३ को दफा १४ को खण्ड ६ बमोजिम सजाय हुने बताइएको छ । उक्त ऐन अनुसार २५ ग्रामसम्म ५ वर्षदेखि १० वर्षसम्म कैद र पाँचहजार देखि २५ हजारसम्म जरिवाना, २५ ग्रामदेखि एकसय ग्रामसम्म १० वषैदेखि १५ वर्ष कैद र ७५ हजारदेखि २ लाख सम्म जरिवाना तथा एकसय ग्रामदेखि माथिको परिमाणमा लागू औषध बरामद भएमा १५ वर्षदेखि जन्म कैद र ५ लाख देखि २५ लाखसम्म जरिवाना हुने प्रावधान छ ।

LEAVE A REPLY

Please enter your comment!
Please enter your name here

समाचार लकडाउनमा लागुऔषधसहित ७ जना प्रहरी नियन्त्रणमा

Most Popular

कोरोना संक्रमण पछि झापामा ३ को मृत्यु, ३१ मा संक्रमित थपिए

झापा । कोरोना संक्रमण पुष्टि भएर पछिल्लो २४ घण्टामा झापाका तीनजनाको ज्यान गएको छ । ज्यान गुमाउनेमा विर्तामोड नगरपालिकाका २ र...

प्रदेश–१ का जेठा सांसदलाई कोरोना

झापा १४ कात्तिक। प्रदेश–१ मा सबैभन्दा जेठा सांसद ओमप्रकाश सरावगीलाई कोरोना संक्रमण पुष्टि भएको छ। मेची प्रादेशिक अस्पतालको कोभिड उपचार केन्द्रमा...

निजी अस्पतालका बेडबारे डिडिएमसीले अनुगमन गर्ने

झापा १४ कात्तिक । जिल्ला स्थित कोरोना संक्रमण व्यवस्थापन तथा न्यूनिकरण समिति (डिडिएमसी)ले सरकारले तोके अनुसार निजी अस्पतालले कोरोना संक्रमणका लागि...

पत्रकार महासंघ झापा अध्यक्ष सापकोटालाई कोरोना

झापा । नेपाल पत्रकार महासंघ झापा शाखाका अध्यक्ष तारामणि सापकोटालाई कोरोना संक्रमण पुष्टि भएको छ ।मेची प्रादेशिक अस्पतालको मातहतमा रहेको कनकाई...

Recent Comments