Home समाचार बुद्धशान्तिको बजेट ५३ करोड ५८ लाखमाथि गौरीगञ्जको ४४ करोड बढी

बुद्धशान्तिको बजेट ५३ करोड ५८ लाखमाथि गौरीगञ्जको ४४ करोड बढी

बुधबारे २५ असार। बुद्धशान्ति र गौरीगञ्ज गाउँपालिकाले आर्थिक वर्ष २०७७/७८ का लागि नीति कार्यक्रम तथा बजेट पारित गरेका छन् ।
बुद्धशान्ति गाउँपालिकाले आगामी आवका लागि ५३ करोड ५८ लाख ९३ हजार ४ सय ३० रुपैँयाको बजेट सार्वजनिक गरेको छ भने गौरीगञ्जले ४४ करोड बढीको बजेट बनाएको छ ।
बुद्धशान्ति गाउँसभामा प्रस्तुत नीति तथा कार्यक्रम पारित गर्नुका साथै तयार गरिएको बजेट सार्वजनिक गरिएको गाउँपालिकाकी प्रवक्ता भगवती शर्मा न्यौपानेले बताउनु भयो ।
बजेटले गौरवका योजनाका साथ विकास निर्माणलाई बढी लक्षित गरेको बताइएको छ । प्रवक्ता न्यौपानेका अनुसार बुद्धशान्तिको साविक शान्तिनगर गाविस क्षेत्रमा टमाटर (सस) उद्योग सञ्चालन गर्ने गरी ५० लाख, साविक बुधबारे गाविस क्षेत्रमा सुपारी प्रशोधन उद्योग निर्माणका लागि ५० लाख र सातवटै वडामा सडक कालोपत्रेका लागि ३०/३० लाख रुपैँया विनियोजन गरिएको छ । यी योजनालाई गाउँपालिकाले गौरवको योजनाका रुपमा लिएको जनाएको छ ।
गाउँपालिकाले सो बजेटको स्रोतका रुपमा संघ समानिकरण १३ करोड ५५ लाख, प्रदेश समानिकरण ७३ लाख ९८ हजार, संघ राजश्व बाँडफाँड ८ करोड ११ लाख ३७ हजार ६ सय २ रुपैँया, प्रदेश राजश्व बाँडफाँड ४९ लाख ४० हजार, सशर्त १९ करोड ९७ लाख, आन्तरिक स्रोत ११ करोड १२ लाख १७ हजार ८ सय ३० रुपैँया प्राप्त हुने अपेक्षा राखेको छ ।
दुईवटा वडामा मात्र समान सिलिङ बजेट राखेको गाउँपालिकाले वडा नम्बर १ लाई १ करोड ६ लाख, वडा नम्बर २ मा १ करोड १२ लाख, वडा नम्बर ३ मा १ करोड ६ लाख, वडा नम्बर ४ मा १ करोड ५ लाख, ५ र ६ मा ९५ लाख र ७ नम्बर वडामा ८१ लाख रुपैँया विनियोजन गरेको जनाएको छ ।
गाउँपालिकाले आव २०७७/७८ मा पूर्वाधार विकास र कृषिलाई प्राथमिकतामा राखेको गाउँपालिकाका प्रमुख प्रशासकीय अधिकृत इन्द्रप्रसाद चापागाईले बताउनु भयो ।
उता गौरीगञ्ज गाउँपालिकाको छैटौं गाउँसभामा उपाध्यक्ष दिपिन्द्र थापाद्वारा गत असार १० गते प्रस्तुत नीति तथा कार्यक्रम बुधबार पारित गदैं आगामी आवका लागि बजेट समेत सार्वजनिक गरेको हो ।
४४ कारोड बढीको बजेट सार्वजनिक गरेको गाउँपालिकाले वडा नं. १ का लागि ८० लाख, २ मा ७२ लाख ३ र ६ नम्बर वडाका लागि ६४/६४ लाख, ४ र ५ नंम्बर वडामा ६०/६० लाख बजेटको सिलिङ तयारी गरेको गाउँपालिकाका अध्यक्ष बाबुराजा श्रेष्ठले जानकारी दिनुभयो ।
गाउँपालिकाको छैटौं गाउँसभामा उत्कृष्ठ तीनजना कर्मचारीलाई सम्मान समेत गरेको थियो । गाउँपालिकाका अध्यक्ष बाबुराजा श्रेष्ठको अध्यक्षतामा सम्पन्न कार्यक्रममा प्रमुख प्रशासकीय अधिकृत प्रविन दाहाल लगायतको उपस्थिति रहेको कार्यक्रममा  कर्मचारीहरु योजना शाखाका योजना अधिकृत नारायण प्रसाद चदरा, स्वास्थ्य शाखाका प्रमुख रामचन्द्र मिश्र र वडा नं.–३ का कार्यलय सहयोगी अनिल यादवलाई सम्मान गरिएको हो ।

LEAVE A REPLY

Please enter your comment!
Please enter your name here

- Advertisment -

समाचार बुद्धशान्तिको बजेट ५३ करोड ५८ लाखमाथि गौरीगञ्जको ४४ करोड बढी

Most Popular

किसान र मजदुरका समस्या सधान गर्ने प्रतिबद्धता

झापा ३० साउन । रासायनिकको मल अभाव र चिया मजदुरको समस्या समाधानमा पहल गर्ने झापाका राजनीति दलहरुले सामूहिक प्रतिबद्धता जनाएका छन् ।...

पत्रकार बानियाँको मृत्यु अस्वाभाविक भन्दै पोख्रेलद्वारा छानविनको माग

दाङ ३० साउन । नेपाल पत्रकार महासंघका केन्द्रीय उपाध्यक्ष बिपुल पोख्रेलले पत्रकार बलराम बानियाँको रहस्यमयी मृत्युको गम्भीरतापूर्वक छानविन गर्न माग गर्नुभएको छ...

सिटौलाको प्रश्न सरकार कम्युनिष्टका लागि मात्रै कि नेपाली जनताका लागि ?

दमक ३० साउन । नेपाली कांग्रेसका पूर्व महामन्त्री एवम् प्रभावशाली नेता कृष्णप्रसाद सिटौलाले वर्तमान कम्युनिष्ट सरकारले नेपाली जनताको लागि नभई केवल कम्युनिष्टहरुका...

पूर्वेली भाकाको शिरैमा सिरबन्दी सार्वजनिक

पूर्वेली आधुनिक शैलीको दोहारी भाका ‘शिरैमा सिरबन्दी, नाकैमा बुलाकी’ सार्वजनिक भएको छ । फरक शैलीको यो गीत ‘आरएस इन्टरटेनमेन्ट’ युट्युव च्यानलमार्फत बिहीबार...

Recent Comments