Home समाचार बाढीका कारण एक वेपत्ता नौ परिवार विस्थापित

बाढीका कारण एक वेपत्ता नौ परिवार विस्थापित

झापा २७ असार/ स्थानीय फुलवासा खोला तर्ने क्रममा मेचीनगर–१४ दुवागढीका सुकुल हास्दा वेपत्ता भएका छन् ।
खोलाले बगाएर बेपत्ता ४१ वर्षिय हास्दाको खोजी कार्य भइरहेको बताइएको छ ।
विहीबारदेखि भएको बर्षातका कारण खोलो गाउँ पस्दा गौरीगञ्ज –३ आमगाछीका ९ घरपरिवार विस्थापित भएको नेपाल रेडक्रस सोसाइटी झापा शाखाका सभापति लोकराज ढकालले जानकारी दिए ।
नेपाल भारतको सीमानाका रुपमा रहेको साविक कोरोवारी गाविसको आमगाछीमा कनकाई नदी बस्तीमा पसेपछि त्यहाँ बसोबास गर्ने ९ घरपरिवार विस्तापित भएका हुन् ।
पानीका कारण कमल खोलामा आएको बाढीले कमल गाउँपालिका–७ मा जमिन कटान गरेको छ भने मेचीनगर–७ को मदन वस्तीमा झिल्ली खोला पस्दा किसानले लगाएको बाली नस्ट गरेको अध्यक्ष चन्दन मेचेले जनाएका छन् । त्यसैगरी मेचीनगरस्थित माताचोक, भेटघाटचोक हुँदै नकलबन्दा सम्म लगभग एक सय घरमा पानी पसेको वडाध्यक्ष योगेन्द्र थापाले बताएका छन् ।
कनकाई नगरपालिका–६ का ११० घरपरिवार ठूलो पानीका कारण घरको भुँईतलामा पानी पस्दा दिनभर टाँडमा चढेर बसेका थिए । दिउँसो पानीको सतह घट्दै गएपछि सहज भएको स्थानीयले बताएका छन् ।
त्यस्तै बाह्रदशी–१ सिपता बस्तीमा विरिङ खोलो पस्दा १० घर डुवानमा परेको रेडक्रस झापा शाखाले जनाएको छ ।

LEAVE A REPLY

Please enter your comment!
Please enter your name here

समाचार बाढीका कारण एक वेपत्ता नौ परिवार विस्थापित

Most Popular

Recent Comments