Home झापा खोलाले धार परिवर्तन गर्दा कटान, झापा गाउँपालिकाका ४ वटा वडा जोखिममा

खोलाले धार परिवर्तन गर्दा कटान, झापा गाउँपालिकाका ४ वटा वडा जोखिममा

टाघनडुब्बा १३ असार । जनताको तटबन्धन अन्तरगत माइ खोलामा बाँधिएको अस्थायी बाँध बाढीले कटान गरेपछि स्थानीयबासी त्रासमा छन् ।
माइखोलाले धार परिवर्तन गर्दा कच्ची रुपमा बाँधिएको तटबन्धन बाढीले कटान गर्न थालेपछि जोखिम बढेको झापा गाउँपालिकाका अध्यक्ष जयनारायण साहले बताउनु भयो ।
बाँध फुटेर बस्तीमा पसेमा गाउँपालिका ४ वटा वडामा ठूलो क्षति पुग्ने बताउनु भयो । बाँध फुटेमा झापा गाउँपालिकाका वडा नं.–१,२,३ र ७ नम्बर वडा प्रभावित हुने साहले बताउनु भयो । २ वर्ष अघि बाँध बाँधिएपछि सो क्षेत्रका जनता सुरक्षित थिए । पश्चिमतर्फबाट बगेको माइखोलाले धार परिवर्तन गरी पूर्वतर्फ बगेपछि बाँध कटान भएको हो ।

२२५० मिटर लामो टप्पु र जनता टोलमा रहेको अस्थायी बाँध मध्ये लगभग २ सयदेखि ३ सय मिटरमा समस्या आएको जनताको तटबन्धन कार्यक्रम गैंडेका इन्जिनियर यादव बरालले बताउनु भयो । उक्त बाँध २ वर्षअघि माटोको मात्रै प्रयोग गरेर बनाइएको थियो ।
इन्जिनियर बरालले भन्नुभयो–‘थोरै पैसामा धेरै काम गर्ने हुँदा अस्थायी रुपमा बाँधिएको बाँध कटान हुन थालेको हो ।’ उहाँका अनुसार ढुङ्गा र तारजाली प्रयोग गरेर १ सय मिटर बाँध बाँधिने खर्चले १ किलोमिटर अस्थायी बाँध बाँध्न पुग्छ । मौसमले साथ दिए भोलीसम्ममा आपत्कालीन रोकथाम सम्पन्न हुने बरालले जानकारी दिनुभयो ।
यसअघि पश्चिम भएर बगेको माइ खोला यसपाली अचानक पूर्वतर्फ फर्किएपछि माटोले बनाइएको बाँध कटान भएको बताइएको छ । बाढीले कटान गरेको ठाउँमा शुक्रबारदेखि नै स्काभेटरको प्रयोग गरेर रोकथामको कार्य शुरु गरिएको छ । आपत्कालीन रोकथामका लागि काम भइरहेको छ, सकेसम्म प्रयास रहन्छ ।
बाँधमा थप क्षति हुन नदिन स्थानिय जनप्रतिनिधी, नेपाल प्रहरी, सशस्त्र प्रहरी र स्थानीयबासीको सहभागितामा मर्मत सम्भार भइरहेको जिल्ला प्रहरी कार्यालय झापाले जनाएको छ । तटबन्धनमा माईखोलाको भागमा जेसिबीको प्रयोग गरी बाढीबाट हुन सक्ने थप क्षतीलाई रोकथाम गर्ने कार्य भइरहेको जनाइएको छ ।

LEAVE A REPLY

Please enter your comment!
Please enter your name here

झापा खोलाले धार परिवर्तन गर्दा कटान, झापा गाउँपालिकाका ४ वटा वडा जोखिममा

Most Popular

चन्द्रगढी विमान स्थलको उत्तरतर्फ मूलगेट र टर्मिनल भवन बन्नुपर्ने माग

झापा १० कार्तिक । चन्द्रगढी विमान स्थलको स्तरबृद्धि पछिल्लो डिपिआर अनुसार अबिलम्ब थालिनु पर्ने माग राख्दै स्थानीयले संघर्ष थालेका छन् ।पछिल्लो डिपिआर...

एनएमसीको १२ प्रतिशत लाभांस वितरणको प्रस्ताव

झापा १० मंसीर । नेपाल बहुउद्देश्यीय सहकारी संस्थाले २८ औं बार्षिक साधारणसभामा पेश गर्ने बार्षिक प्रतिवेदन आज सार्वजनिक गरेको छ ।संस्थाको विर्तामोडस्थित...

पत्रकार काफ्ले र गौतमद्वारा ‘नारी सञ्चार प्रोत्साहन’ अक्षयकोषमा सहयोग

झापा ८ मंसीर । झापाका महिला संचारकर्मीहरुको छाता संगठन नारी सञ्चार गृहले बहुउद्देश्यीय लक्ष्य राखेर स्थापना गरेको अक्षयकोषमा दुई पत्रकारले सहयोग रकम...

मुक्तिचोकमा सरसफाइ र पुष्परोपण, बोलेनन् मन्त्री !

झापा ९ मंसीर । मुक्तिचोक । वास्तवमा यो चोक सबैको मुक्तिका लागि अधिकार बोल्ने मुख्य थलोको रुपमा परिचित छ ।यो चोकमा उभिएर...

Recent Comments