Home समाचार कोरोना संक्रमितको संख्या एकहजार दुईसय १२, झापामा १०७ जना

कोरोना संक्रमितको संख्या एकहजार दुईसय १२, झापामा १०७ जना

झापा १६ जेठ । शुक्रबार १७० जनामा कोरोना पोजेटिभ देखिएसंगै देशभर कोरोना संक्रमितको सख्या एकहजार दुईसय १२ पुगेको छ । शुक्रबारमात्रै देशभरका विभिन्न प्रयोगशालामा गरिएको परीक्षणबाट १७० जनामा कोरोना पोजेटिभ पुष्टि भएको स्वास्थ्य तथा जनसंख्या मन्त्रालयका प्रवक्ता डा. विकास देवकोटाले जानकारी दिनुभयो । शुक्रबार एकै दिन २७ जनामा कोरोना संक्रमण पुष्टि भएसंगै झापामा संक्रमितको संख्या १०७ जना पुगेको छ ।
जसमा कोशी प्रादेशिक प्रयोगशाला विराटनगरमा गरिएको परिक्षणमा झापा कचनकवलका २७ जना धरानको प्रयोगशालामा गरिएको परीक्षणमा झापा भद्रपुरका १ सहित झापाका २८ जनामा कोरोना संक्रमण देखिएको मन्त्रालयका प्रवक्ताले जनाउनु भएको छ । मन्त्रालयको शुक्रबार प्रस्तुत तथ्याङ्क अनुसार झापामा २८ जना देखिएपनि भद्रपुरका १ जनाको गणना विहिबार नै भइसकेको झापाका प्रहरी प्रमुख कृष्णप्रसाद कोइरालाले जानकारी दिनुभयो ।
त्यस्तै धरानकै प्रयोगशालामा गरिएको नमूना परीक्षणबाट सप्तरीका ४ जना, नारायण अस्पतालको प्रयोगशालामा गरिएको परीक्षणमा बाराका ४, पर्साका ५ जनामा कोरोना पोजेटिभ देखिएको छ भने पाटन अस्पतालको प्रयोगशालामा गरिएको परीक्षणमा सर्लाही घर भई हाल पाटनमै बस्दै आएका १, गण्डकी प्रदेशिक प्रयोगशालामा म्याग्दीका १, भेरी अञ्चल अस्पतालको प्रयोगशालामा बाँकेका १० जनामा कोरोना संक्रमण पुष्टि भएको प्रवक्ता देवकोटाले जनाउनु भएको ।
त्यसै गरी चितवनको भरतपुरस्थित प्रयोगशालामा गरिएको नमूना परीक्षणबाट कपिलवस्तुका ४, नवलपरासी सुस्ता पूर्वका २ जनामा कोरोना पोजेटिभ देखिएको छ भने राष्ट्रिय जनस्वास्थ्य प्रयोगशालामा गरिएको परीक्षणमा कपिलवस्तु, रौतहट, र सर्लाहीकासहित ८४ जनामा कोरोना संक्रमण देखिएको बताइएको छ । रुपन्देशी प्रयोगशालामा गरिएको परीक्षणमा कपिलवस्तुका १५, रुपन्देहीका १ र राप्ती प्रयोगशाला दाङमा गरिएको परीक्षणमा दाङ र कपिलवस्तुका २÷२ जनामा कोरोना संक्रमण देखिएको हो ।

LEAVE A REPLY

Please enter your comment!
Please enter your name here

समाचार कोरोना संक्रमितको संख्या एकहजार दुईसय १२, झापामा १०७ जना

Most Popular

यसपालीको दशैं टिकाको उत्तम साइत बिहान १०ः१९ बजे

झापा । दशैँको मुख्य दिन कात्तिक १० गते सोमबार विजयादशमी पर्व परेको छ । यस दिन बिहान नौ रात १० दिन पूजा...

महानवमीको विशेष पूजा आराधनाका साथ मनाईंदै

झापा । आश्विन शुक्ल नवमीको दिन आज महानवमी पर्व आज दुर्गा भवानीको पूजा आराधना गरी मनाइँदैछ । कोरोना भाइरस संक्रमणका कारण यो...

देशबासीका नाममा प्रधानमन्त्री केपी शर्मा ओलीको सम्बोधनको (पूर्णपाठ)

सम्माननीय प्रधानमन्त्रीले बडा दशैंको उपलक्ष्यमा देशवासीका नाममा गर्नुभएको सम्बोधनआदरणीय दिदीबहिनी तथा दाजुभाइहरू,नेपालीहरुको ठूलो चाड, बडादशैं शुरु भइसकेको छ । यस महान् अवसरमा...

कर्णालीका मुख्यमन्त्री शाहीविरुद्धको अविश्वासको प्रस्ताव अस्वीकृत

कर्णाली प्रदेशका मुख्यमन्त्री महेन्द्रबहादुर शाहीविरुद्धको अविश्वासको प्रस्ताव बहुमतले अस्वीकृत भएको छ ।शुक्रबार बिहान वीरेन्द्रनगरमा बसेको नेपाल कम्युनिष्ट पार्टी (नेकपा) कर्णाली प्रदेशसभाको संसदीय...

Recent Comments