Home समाचार १० जना कोरोना संक्रमित देखिएको कचनकवलका ५ वडा सिल

१० जना कोरोना संक्रमित देखिएको कचनकवलका ५ वडा सिल

कचनकवल ६ जेठ । १० जना कोरोना संक्रमित देखिएको दक्षिणी झापाको कचनकवल गाउँपालिकाका पाँचवटा वडा सिल गरिएको छ । सात वडा रहेको कचनकवल गाउँपालिकाका १, २, ३, ४ र ५ नम्बर वडा सिल गरिएको गाउँपालिका अध्यक्ष अञ्जार आलमले जानकारी दिनुभयो । मध्ये पाँच वडा सिल गरिएको हो । भारतीय सीमावर्ती नाकासँग जोडिएको कचनकवलका नौ जनामा मंगलबार र १ जनामा सोमबार गरी १० जनामा कोरोना संक्रमण पुष्टि भएसंगै वडा सिल गरिएको बताइएको छ ।
भारतबाट आएर गाउँपालिकाको क्वारेन्टाइनमा बसेका नेपाली नागरिकमा कोरोना भाइरस संक्रमण पुष्टि भएसंगै पाँच वटा वडा सिल गरिएको गाउँपालिकाका अध्यक्ष आलमको भनाइ छ । गाउँपालिकाको सिमावर्ती क्षेत्र पाठामारीबाट केही दिन अघि लुकेर गाउँ प्रवेश गर्न लागेका उनीहरुलाई पथरिया माविको क्‍वारेन्टाइन राखिएको थियो । कोरोना पुष्टि भएका १० सहित ३३ जना रहेको पथरिया माविको क्वारेन्टाइनलाई पनि मंगलबारदेखि नै शिल गरिएको छ । भारतबाट आएका ३३ जनाकै पिसिआर परीक्षणका लागि नमूना संकलन गरेर पठाइएको भएपनि हालसम्म १० जनाको मात्र रिपोर्ट आएको स्रोतले जनाएको छ ।
कचवकवलको पथरिया माविमा ३३ र लक्ष्मीप्रसाद देवकोटा माविमा गाउँपालिकाले क्‍वारेन्टाइन तयार गरेको छ ।

LEAVE A REPLY

Please enter your comment!
Please enter your name here

समाचार १० जना कोरोना संक्रमित देखिएको कचनकवलका ५ वडा सिल

Most Popular

बाँसमा भविष्य खोज्दै बुद्धशान्तिका युवा

झापा । भारत सरकारले ‘बेम्बो वाटर बोटल’लाई प्लास्टिकको विकल्पका रुपमा प्रयोग गर्न सकिने गरेको घोषणाले झापाका तीन युवाको मन छोयो ।खेतबारीमा बार वार्ने,...

सहाराद्वारा परिवार राहत वितरण

लक्ष्मीपुर । सहारा नेपाल बचत तथा ऋण सहकारी संस्था लक्ष्मीपुर सेवा केन्द्रले २ जना ७५ बर्ष माथिका जेष्ठ सदस्यलाई परिवार राहत...

कनकाई नदीमा झोलुङ्गे पुल निर्माणको शिलान्यास

शिवगञ्ज । झापाको शिवसताक्षी नगरपालिका ७ को कनकाई नदीमा झोलुङ्गे पुल निर्माण हुने भएको छ ।लालपानी चन्द्रडाँगी जोड्ने कनकाई नदीमा बन्न...

अपाङ्ग आश्रमलाई खाद्यान्न र कपडा हस्तान्तरण

झापा । मेचीमहाकाली बुहारी संयुक्त आवाजले अर्जुनधारामा रहेको अपाङ्ग बालशिक्षा सरोकार केन्द्रमा आश्रित बालबालिकालाई खाद्यान्न तथा लत्ताकपडा हस्तान्तरण गरेको छ ।घरेलु हिंसाका...

Recent Comments