Home समाचार नेपाल प्रवेशका लागि ८५३ को नाम संकलन, ५ गतेदेखि नेपाल ल्याइने

नेपाल प्रवेशका लागि ८५३ को नाम संकलन, ५ गतेदेखि नेपाल ल्याइने

भद्रपुर ३ जेठ । भारतमा रेल यातायात सञ्चालनमा आएपछि सीमा क्षेत्रमा अलपत्र ८५३ जना नेपालीहरुले नेपाल प्रवेशका लागि नाम टिपाइसकेका छन् । झापाका प्रमुख जिल्ला अधिकारी उदयबहादुर रानाका अनुसार नाम टिपाउनेको संख्या निरन्तर बढिरहेको छ । प्रमुख जिल्ला अधिकारी रानाका अनुसार संकलित नाम मध्ये एकजना झापा, तीनसय ३२ जना कर्णाली प्रदेश र बाँकी अन्य जिल्लाका रहेका छन् ।
जिल्ला कोरोना संक्रमण रोकथाम उपचार समन्वय तथा अनुगमन समितिको बैठकमा उपस्थित प्रदेश नम्बर १ का आन्तरिक मामिला तथा कानुन मन्त्री हिक्मत कार्कीले भारतीय सीमा क्षेत्रमा अलपत्र अवस्थामा रहेका नेपालीहरुलाई तत्काल उद्धार गरेर ल्याइने बताउनु भएको छ ।
मन्त्री कार्कीले उद्दार गरेर ल्याएपछि राख्ने होल्डिङ सेन्टर र क्वारेन्टाइनको व्यवस्था गर्न स्थानीय सरकारलाई निर्देशन दिनुभएको छ ।
स्वदेश फर्कने आशमा बसेका पूर्वी सीमावर्ती क्षेत्रमा प्रतिक्षारत नेपालीहरुको जेठ पाँचगतेदेखि उद्दार गर्ने निर्णयसंगै मन्त्री कार्कीले होल्डिङ सेन्टर र क्वारेन्टाइनको व्यवस्था गर्न निर्देशन दिनु भएको हो ।
झापा जिल्लाको काँकरभिट्टा, भद्रपुर, गौरीगञ्ज, टाघनडुब्बा र कचनकबल नाकाबाट आगामी एक दुई दिनभित्रै एक हजार नेपालीलाई उद्धार गरेर सुरक्षित रुपमा नेपाल ल्याइने र क्रमशः यो सङ्ख्या बढेर २० हजारसम्म पुग्नसक्ने मन्त्री कार्कीको अनुमान छ ।
उहाँले नेपाल सरकार र भारत सरकारबीच यस विषयमा छलफल भइरहेको बताउँदै सीमा क्षेत्रमा रहेका आ–आफ्ना नागरिकलाई ल्याउने र लैजाने काम चाँडै हुने बताउनुभयो ।
गृह मन्त्रालय, पराराष्ट्र मन्त्रालय र प्रधानमन्त्रीको समेत ध्यानाकर्षण गराइसकेका जानकारी दिंदै ल्याइएका नागरिकलाई होल्डिङ एरियामा राखेर स्वास्थ्य परीक्षण गरिने र अन्य प्रदेशका भए सम्बन्धित प्रदेशको राजधानीसम्म पुर्याउने जिम्मा प्रदेश सरकारले लिने मन्त्री कार्कीले बताउनु भयो ।
जिल्ला समन्वय समिति झापाका प्रमुख सोमनाथ पोर्तेलले काँकरभिट्टा नाकाबाट ल्याइने नेपालीहरुलाई मेचीनगरको काँकरभिट्टा माविमा र भद्रपुर र कचनकबलबाट ल्याइने मेची बहुमुखी क्याम्पसमा होल्डिङ सेन्टर निर्माण गरिएको जानकारी दिनुभयो । प्रदेश नं. १ का उद्धार गरिएका नेपालीहरुलाई जिल्ला सदरमुकामसम्म र अन्य प्रदेशको हकमा प्रदेशको राजधानीसम्म पुर्याउने व्यवस्था मिलाउने निर्णय भएको जिसस प्रमुख पोर्तेलले बताउनु भयो ।

LEAVE A REPLY

Please enter your comment!
Please enter your name here

समाचार नेपाल प्रवेशका लागि ८५३ को नाम संकलन, ५ गतेदेखि नेपाल ल्याइने

Most Popular

मञ्जुको उपचारमा २ लाख २० हजारबढी सहयोग

भद्रपुर ११ मंसीर । दुवै मिर्गौला खराब भएकी झापा भद्रपुर नगरपालिका वडा नं–७ की मञ्जु ठकुरीलाई आज उहाँकै निवास पुगेर उपचार...

कारवाहीको माग गर्दै बुहारी आवाजद्वारा प्रधानमन्त्रीलाई ज्ञापन

झापा ११ मंसीर । महोत्तरीमा बलात्कारपछि हत्या गरिएकि बालिका गुलाब खातुनका हत्यारालाई कडा कानुनी कारबाहीको माग गर्दै मेचीमहाकाली संयुक्त बुहारी आवाजले...

हाजिरीजवाफ प्रतियोगितामा बीरेन्द्र मावि प्रथम

भद्रपुर १० मंसीर । झापाको भद्रपुर जेसीजले जेसीज सप्ताह २०२० को ५ औं कार्यक्रम अन्र्तगत भद्रपुर नगरपालिका मावि स्तरीय अन्तर मावि...

चन्द्रगढी विमान स्थलको उत्तरतर्फ मूलगेट र टर्मिनल भवन बन्नुपर्ने माग

झापा १० कार्तिक । चन्द्रगढी विमान स्थलको स्तरबृद्धि पछिल्लो डिपिआर अनुसार अबिलम्ब थालिनु पर्ने माग राख्दै स्थानीयले संघर्ष थालेका छन् ।पछिल्लो डिपिआर...

Recent Comments