Home समाचार अध्यादेश फिर्ता लिन माग गर्दै विद्यार्थी संघको प्रदर्शन

अध्यादेश फिर्ता लिन माग गर्दै विद्यार्थी संघको प्रदर्शन

विर्तामोड १२ बैशाख । सरकारले यसै हप्ता जारी गरेको अध्यादेश विरुद्ध नेपाली कांग्रेसको भातृ संगठन नेपाल विद्यार्थी संघले देशभर विरोध प्रदर्शन गरेको छ ।
विद्यार्थी संघको केन्द्रीय निर्देशन अनुसार झापासहित देशभर विरोध प्रदर्शन गरिएको हो । सोही अनुसार झापाका विर्तामोड, दमक, सुरुङ्गा, भद्रपुर, मेचीनगर, बुधबारे लगायतका स्थानमा विरोध प्रदर्शन गरिएको छ ।
कोरोना संक्रमण जोखिम न्यूनिकरणका लागि सरकारले घोषणा गरेको बाबजुद पनि लकडाउनको नियम पालना गर्दै विद्यार्थीहरुले अध्यादेश फिर्ता गर्न माग गर्दै विरोध प्रदर्शन गरेका हुन् ।
विद्यार्थीहरुले ‘संविधान मिच्न पाइदैन लोकतन्त्र विरोधी अध्यादेश चाहिंदैन, संविधान विपरित अध्यादेश खारेज गर, नागरिक सर्वोच्चता कायम गर, जनता भोकमारी र महामारीमा, सरकार लिप्त भ्रष्टाचारमा लगायतका नारा लेखिएका प्लेकार्ड छातिमा राखेर विद्यार्थीहरुले प्रदर्शन गरेका हुन् ।
विर्तामोडको मुक्तिचोकमा पोषराज कट्वालको नेतृत्वमा रहेको टोलीले पोष्टर छातीमा राख्दै प्रदर्शन गरेका थिए भने सुरुङ्गामा नेविसंघका जिल्ला अध्यक्ष राजेन्द्र उप्रेतीको नेतृत्वमा विरोध प्रदर्शन गरिएको थियो । त्यसैगरी दमकमा भवानी काफ्ले नेतृत्वको टोलीले मुख्य सडकमा उभिएर विरोध प्रदर्शन गरेका हुन् ।
कोरोना भाइरसको संक्रमण रोकथाम र जनतालाई राहतको व्यवस्था गर्नुपर्नेमा सत्ता र शक्तिको दुरुपयोग गर्दै सरकार उल्टो बाटो हिंडेको नेविसंघका क्षेत्रीय सभापति पोषराज कट्वालले बताए । उक्त अध्यादेश पारितको घटनाले लोकतन्त्र नै धरापमा पर्ने अर्का प्रदर्शनकर्ता याम भुजेलको भनाई थियो ।

LEAVE A REPLY

Please enter your comment!
Please enter your name here

समाचार अध्यादेश फिर्ता लिन माग गर्दै विद्यार्थी संघको प्रदर्शन

Most Popular

Recent Comments