Home मनोरञ्जन चर्चा बटुल्दै छोराछोरी

चर्चा बटुल्दै छोराछोरी

विर्तामोड २० फागुन । नेपाली म्युजिक भिडियोको बजारमा अहिले छोराछोरी म्युजिक भिडियो निकै चर्चामा रहेको छ । समाजभित्र देखिएका वास्तविकतालाई टपक्क टिपेर आफ्नै भाषा,

भाका र शैलीमा रचना गरिएको छोराछोरी बोलको गीतले स्रोता तथा दर्शकको मन खिचेको पाइन्छ ।
रोजगारी होस्, अध्ययन जुनसुकै माध्यमबाट भएपनि नेपाली युवा युवती विदेश पलायन हुने बढ्दो क्रम र त्यसले समाजमा पारेको नकारात्मक असरलाई बहुमुखि प्रतिभाका धनी मातृकाप्रसाद संग्रौलाले नेपाली लोकलयमा उतारेका छन् । छोराछोरीले विदेशमा डलर कमाइरहँदा स्वदेशमा बृद्ध बुबा–आमाको अवस्था कस्तो हुन्छ भन्ने कुरालाई गीत तथा म्युजिक भिडियोले छर्लङ्ग पारेको छ ।
संग्रौलाको आफ्नै शब्द, शैली र स्वरमा सार्वजनिक म्युजिक भिडियोमा जनक खड्का र भगवनी न्यौपानेले अभिनय गरेका छन् । पदम तामाङको निर्देशनमा बनेको सो म्युजिक भिडियो भुपेन्द्र गुरुङको छायाङ्कन सम्पादन रविन थापा मगरको रहेको छ ।
विदेशिएका छोराछोरी विदेशकै सेवा, सुविधामा रमाउँदा नेपालमा उनीहरुका आमाबुबाले बेसहारा झैं भनेर बस्नु परेको ह्ृदयविदारक वास्तविकतालाई गीतकार संग्रौलाले सर्लक्क शब्दमा उतारेका छन् ।
सन्तानको विदेश मोहले बुढेसकालमा बाबु–आमा वेवारिसे बन्नुपरेको अवस्थालाई मन छुने शब्द र लोकलयले धेरैको मन खिचेको छ । खड्का, न्यौपाने साथै बीरबहादुर भुजेल लगायतले सहभागिता रहेको म्युुजिक भिडियो हाइलाइष्ट्र नेपालले बजारमा ल्याएको हो ।

LEAVE A REPLY

Please enter your comment!
Please enter your name here

मनोरञ्जन चर्चा बटुल्दै छोराछोरी

Most Popular

Recent Comments