Home समाचार बुहारी ग्याङको सहयोग अपाङ्गलाई

बुहारी ग्याङको सहयोग अपाङ्गलाई

शनिश्चरे १० फागुन । सामाजिक सञ्जाल फेसबुक मार्फत संगठित भएको मेची महाकाली बुहारी ग्याङले शनिबार झापाको अर्जुनधारामा रहेको अपाङ्ग बाल शिक्षा सरोकार केन्द्रलाई खाद्यान्न सहयोग गरेको छ ।
अभियानका संयोजक यमु शर्मा सुब्बाको उपस्थितीमा भएको कार्यक्रममा केन्द्रलाई चामल, दाल, आलु, तेल, साबुन, प्याज तथा फलफुल हस्तान्तरण गरिएको हो । आश्रममा ९ जना बालबालिका बस्दै आएका छन् । शारीरिक रुपमा असक्त कृष्णदेब दुलालको सक्रियतामा सञ्चालित केन्द्रले शिक्षकको ब्यवस्था गरेर आश्रममा रहेका बालबालिकालाई अध्ययन अध्यापन गराउँदै आएको छ ।
काठमाडांै घर भइ अमेरिका बस्दै आएकी संयोजक सुब्बाको सक्रियतामा ६ महिना अघि संगठित समुहले बिभिन्न स्थानमा त्यसरी सहयोग गर्दै आएको बताइएको छ । झापा देखि कञ्चनपुरसम्मका ७७ वटै जिल्लामा नेटवर्क रहेको मेची महाकाली बुहारी ग्याङले यो चरणमा चितवन, सुर्खेत, झापा र काठमाडांैमा सहयोग हस्तान्तरण गर्ने जनाएको छ ।
झापामा रहेका बुहारी ग्याङका सदस्यहरुले सामाजिक सञ्जाल फेसबुक मार्फत सहयोग अभियानको तयारी गरेको अम्बिका मैनालीले जानकारी दिनुभयो । बिरामी भएर उपचार गर्न नसकेका सदस्यहरुलाई ग्याङले सहयोग गर्ने समेत सदस्य मैनालीले बताउनु भयो ।
बुहारी ग्याङका सदस्यले जन्मदिनको खर्च कटाएर बृद्धाश्रम, बालआश्रम लगायतमा सहयोग गर्ने योजना बनाएको झापा संयोजक चन्द्रा काफ्लेले बताउनु भयो । ७७ जिल्लामा फैलिएको सो सञ्जालका सदस्यले हरेक जिल्लामा यस्तै अभियान सञ्चालन गरिरहेको काफ्लेको भनाई छ । हालसम्म अभियानमा देशभरका ३ हजार ७ सय सदस्य जोडिएको अभियानकर्ता गंगा ग्रिस्माले जानकारी दिनुभयो ।

LEAVE A REPLY

Please enter your comment!
Please enter your name here

समाचार बुहारी ग्याङको सहयोग अपाङ्गलाई

Most Popular

Recent Comments