Home समाचार हिंसाको मुख्य कारक मदिरा र लागु औषध

हिंसाको मुख्य कारक मदिरा र लागु औषध

झापा २० पुस । विर्तामोडका डि.एस.पी. मोहनकुमार थापाले प्रहरीले पेशाप्रति कर्तव्य निष्ठ र इमान्दारिताका साथ कसैको प्रलोभन र दवावमा नपरी काम गरे ९० प्रतिशत अपराध नियन्त्रणमा आउने बताउनु भयो ।
ए.वी.सी. नेपाल झापा शाखा, लायन्स क्लव अफ विर्तामोड लेडी र लियो क्लवद्वारा जयेन्द्र प्रसाई साहित्य सेवा कोषको सभाहलमा आयोजित सम्मान तथा विदाई कार्यक्रममा बोल्दै डि.एस.पी. थापाले यस्तो बताउनु भएको हो ।
कार्यक्रममा बोल्दै थापाले बेश्याबृत्ति हुने नेपालका मुख्य ठाउँमध्ये विर्तामोड पनि एक रहेको अनुसन्धानका क्रममा आफूले पाएको जानकारी दिंदै त्यस्ता गलत कार्य रोक्ने कुरामा प्रहरीलाई सहयोग गर्न महिलाहरुलाई आग्रह पनि गर्नुभयो । थापाले भन्नुभयो–‘वेश्याबृत्ति हुने मुख्य पाँच ठाउँमध्ये विर्तामोड पनि पर्नसक्छ, यसले राम्रो सन्देस जाँदैन त्यस्ता गतिविधि रोक्न जरुरी छ ।’ अझै पनि घरेलु हिंसाका घटना बढिरहेको र त्यस्ता घटनाको कारक घरेलु मदिरा र लागु औषध रहेको थापाको भनाई थियो ।
अपराध नियन्त्रणका लागि केही अनुसन्धानात्मक कार्य सुरु गरेपनि त्यसले पूर्णता नपाउँदै अन्यत्र जानु परेको बताउँदै थापाले अपराध नियन्त्रण गर्न सहज होस भन्ने उद्देश्यले घर भाडामा बस्नेको लगत संकलन कार्यको थालनी गरेको जानकारी समेत दिनुभयो ।
नेपाल प्रहरी भित्र अनुसन्धानका क्षेत्रमा सफल अधिकृतका रुपमा रहेका थापाको अख्तियार दुरुपयोग अनुसन्धान आयोगमा सरुवा भएको हो ।
कार्यक्रम संयोजक आरती श्रेष्ठको सभापतित्वमा सम्पन्न सम्मानसहित विदाई कार्यक्रममा एवीसी नेपाल र लायन्स क्लव अफ विर्तामोड लेडीले सम्मान पत्र प्रदान गरेका थिए । नम्रता ढकालले सञ्चालन गरेको कार्यक्रममा स्वागत देवीका बस्नेतले र धन्यवाद ज्ञापन कञ्चना ढकालले गर्नुभएको थियो ।

LEAVE A REPLY

Please enter your comment!
Please enter your name here

समाचार हिंसाको मुख्य कारक मदिरा र लागु औषध

Most Popular

मञ्जुको उपचारमा २ लाख २० हजारबढी सहयोग

भद्रपुर ११ मंसीर । दुवै मिर्गौला खराब भएकी झापा भद्रपुर नगरपालिका वडा नं–७ की मञ्जु ठकुरीलाई आज उहाँकै निवास पुगेर उपचार...

कारवाहीको माग गर्दै बुहारी आवाजद्वारा प्रधानमन्त्रीलाई ज्ञापन

झापा ११ मंसीर । महोत्तरीमा बलात्कारपछि हत्या गरिएकि बालिका गुलाब खातुनका हत्यारालाई कडा कानुनी कारबाहीको माग गर्दै मेचीमहाकाली संयुक्त बुहारी आवाजले...

हाजिरीजवाफ प्रतियोगितामा बीरेन्द्र मावि प्रथम

भद्रपुर १० मंसीर । झापाको भद्रपुर जेसीजले जेसीज सप्ताह २०२० को ५ औं कार्यक्रम अन्र्तगत भद्रपुर नगरपालिका मावि स्तरीय अन्तर मावि...

चन्द्रगढी विमान स्थलको उत्तरतर्फ मूलगेट र टर्मिनल भवन बन्नुपर्ने माग

झापा १० कार्तिक । चन्द्रगढी विमान स्थलको स्तरबृद्धि पछिल्लो डिपिआर अनुसार अबिलम्ब थालिनु पर्ने माग राख्दै स्थानीयले संघर्ष थालेका छन् ।पछिल्लो डिपिआर...

Recent Comments